കണ്ണൂര്‍: ഉദ്യോഗസ്ഥയുടെ 11,000 രൂപ നഷ്ടപ്പെട്ടതായി പരാതി. കണ്ണൂര്‍ മൈനര്‍ ഇറിഗേഷന്‍ ഡിപ്പാര്‍ട്ട്‌മെന്റിലെ സീനിയര്‍ ക്ലാര്‍ക്ക് അഴീക്കോട് പൂതപ്പാറയില്‍ പി.പി റീജയുടെ പണമാണ് നഷ്ടപ്പെട്ടത്. ഇന്നലെ രാവിലെ 9.30ഓടെ പൂതപ്പാറയിലെ എ.ടി.എമ്മില്‍ നിന്നാണ് രൂപ പിന്‍വലിച്ചത്. തുടര്‍ന്ന് ബസില്‍ കയറി കണ്ണൂരിലെ ഓഫിസിലേക്ക് വരികയായിരുന്നു. ഓഫിസിലത്തെി ബാഗ് പരിശോധിച്ചപ്പോഴാണ് പണമടങ്ങിയ പഴ്‌സ് നഷ്ടപ്പെട്ടതായി അറിയുന്നത്. വളപട്ടണം പൊലിസില്‍ പരാതി നല്‍കി.