കണ്ണൂര്‍: വാരം ജനതാ ടാക്കീസിനടുത്ത് ഓടിക്കൊണ്ടിരുന്ന കാര്‍ കത്തിനശിച്ചു. പൂര്‍ണമായും കത്തിയ കാറില്‍നിന്ന് യുവതി രക്ഷപ്പെട്ടു. ഇന്നലെ രാവിലെയാണ് സംഭവം. കിംസ് ആശുപത്രി ജീവനക്കാരിയായ വലിയന്നൂരിലെ എം. വിമലകുമാരിയുടെ ഉടമസ്ഥതയിലുള്ള മാരുതിയാണ് കത്തിനശിച്ചത്.  രാവിലെ ജോലിക്ക് പോകവെ കാറിന്റെ മുന്‍ഭാഗത്തുനിന്ന് പുക ഉയരുന്നത് കണ്ട് കാര്‍ നിര്‍ത്തി വിമലകുമാരി പുറത്തിറങ്ങിയതിനാലാണ് അപകടത്തില്‍നിന്ന് രക്ഷപ്പെട്ടത്. ഫയര്‍ഫോഴ്‌സ് എത്തിയാണ് തീയണച്ചത്.