നന്തിബസാര്‍: പഴയ മൂടാടി പഞ്ചായത്ത് ഓഫിസിന് സമീപമുള്ള പൊതു കിണര്‍ നിലം  പതിച്ചിട്ടുമാസങ്ങളായി. വാര്‍ഡ് മെംബറുടെ ശ്രദ്ധയില്‍പെടുത്തിയിട്ടു യാതൊരു അനുകൂല നിലപാടും സ്വീകരിക്കാന്‍ അവര്‍ തയ്യാറായില്ല എന്നപരാതിയുമായി നാട്ടുകാരും രാഷ്ട്രീയപാര്‍ട്ടികളും രംഗത്ത് വന്നു.  അനേകം ആളുകള്‍ വന്നുപോവുന്ന ഹോമിയോ ഡിസ്പന്‍സറിക്കും മൃഗാശുപത്രിക്കും വെള്ളമെടുത്തിരുന്നത്. ഈ കിണറില്‍നിന്നായിരുന്നു. അധികാരികളുടെയും വാര്‍ഡ് മെംബറുടെയും ശ്രദ്ധയില്‍ പെടുത്തിയിട്ടും വേണ്ട പോലെ ഈ വിഷയം മുഖവിലക്കെടുക്കാന്‍ തയ്യാറാവാത്ത സാഹചര്യത്തില്‍ ഇന്ന് മണ്ഡലം മുസ്‌ലിം ലീഗ് സെക്രട്ടറി പി.പി കരീമിന്റെ നേതൃത്വത്തില്‍ മെംബര്‍ പി. റഷീദയും യു.കെ ഹമീദും മൂടാടി പഞ്ചായത്തധികാരികളെ കൂട്ടികൊണ്ടു വന്നു കാര്യങ്ങള്‍ വിശദീകരിച്ചു കൊടുത്തതോടെ അടിയന്തരമായി ഇതിനു പരിഹാരം കാണാം എന്നു വഴിയാത്രക്കാര്‍ക്ക് പകരം വഴിയൊരുക്കികൊടുക്കാമെന്നും എത്രയും വേഗം ഈകിണര്‍ പുതുക്കിപ്പണിയാന്‍ ആവശ്യമായ എല്ലാ നടപടികളും സ്വീകരിക്കുമെന്നും പഞ്ചായത്തധികാരികള്‍ ഉറപ്പ് നല്‍കി.