കോഴിക്കോട്: പ്രമുഖ സൂഫി അത്തിപ്പറ്റ മുഹ്‌യിദ്ദീന്‍ കുട്ടി മുസ്‌ലിയാര്‍ അനുസ്മരണവും പ്രാര്‍ഥനാ സദസും 24ന് വൈകിട്ട് 3.30ന് കോഴിക്കോട് സമസ്ത ഓഡിറ്റോറിയത്തില്‍ നടക്കും. ജില്ലാ സമസ്ത കോഡിനേഷന്‍ കമ്മിറ്റിയുടെ ആഭിമുഖ്യത്തിലാണു പരിപാടി നടത്തുന്നത്. സമസ്ത പ്രസിഡന്റ് സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍ ഉദ്ഘാടനം ചെയ്യും. ജില്ലാ പ്രസിഡന്റ് ചേലക്കാട് മുഹമ്മദ് മുസ്‌ലിയാര്‍ അധ്യക്ഷനാകും. സയ്യിദ് മുഹമ്മദ് കോയ തങ്ങള്‍, അബ്ദുല്‍ ഹമീദ് ഫൈസി അമ്പലക്കടവ്, അബ്ദുസ്സമദ് പൂക്കോട്ടൂര്‍, പിണങ്ങോട് അബൂബക്കര്‍ സംസാരിക്കും. വാവാട് കുഞ്ഞിക്കോയ മുസ്‌ലിയാര്‍ പ്രാര്‍ഥനയ്ക്ക് നേതൃത്വം നല്‍കും. കോഡിനേഷന്‍ സമിതി യോഗത്തില്‍ ചെയര്‍മാന്‍ കെ. ഉമര്‍ ഫൈസി മുക്കം അധ്യക്ഷനായി. എ.വി അബ്ദുറഹിമാന്‍ മുസ്‌ലിയാര്‍, യൂസുഫ് ബാഖവി കരീറ്റിപ്പറമ്പ് (സമസ്ത), ആര്‍.വി കുട്ടിഹസ്സന്‍ ദാരിമി, സലാം ഫൈസി മുക്കം (എസ്.എം.എഫ്), സി.എച്ച് മഹ്മൂദ് സഅദി, മലയമ്മ അബൂബക്കര്‍ ഫൈസി (എസ്.വൈ.എസ്), കെ.കെ ഇബ്രാഹിം മുസ്‌ലിയാര്‍, പി. ഹസൈനാര്‍ ഫൈസി (എസ്.കെ.ജെ.എം), ടി.വി.സി സമദ് ഫൈസി, അബ്ദുല്‍ അസീസ് ദാരിമി വടകര (എസ്.കെ.ജെ.ക്യു), എന്‍. അബ്ദുല്ല മുസ്‌ലിയാര്‍, അബ്ദുല്‍ ബാരി ബാഖവി (ജംഇയ്യത്തുല്‍ മുദരിസീന്‍ ), മുബശിര്‍ തങ്ങള്‍, ഒ.പി അഷ്‌റഫ് (എസ്.കെ.എസ്.എസ്.എഫ്), എ.പി.പി തങ്ങള്‍, കെ.പി കോയ (മാനേജ്‌മെന്റ് അസോസിയേഷന്‍), സി.എ ഷുകൂര്‍ മാസ്റ്റര്‍ (എംപ്ലോയിസ് അസോസിയേഷന്‍), മുസ്തഫ മുണ്ടുപാറ, കെ. മോയിന്‍കുട്ടി മാസ്റ്റര്‍ പ്രസംഗിച്ചു.  കണ്‍വീനര്‍ നാസര്‍ ഫൈസി കൂടത്തായി സ്വാഗതവും റഷീദ് ഫൈസി വെള്ളായിക്കോട് നന്ദിയും പറഞ്ഞു.