തിരുവനന്തപുരം: ആരോഗ്യ സര്‍വകലാശാലയുടെ കീഴിലുള്ള മെഡിക്കല്‍ കോളജ് യൂനിയനുകളിലേക്ക് നടന്ന തെരഞ്ഞെടുപ്പില്‍ എസ്.എഫ്.ഐക്ക് നേട്ടം. തിരുവനന്തപുരം, എറണാകുളം, ആലപ്പുഴ, കോട്ടയം, മഞ്ചേരി മെഡിക്കല്‍ കോളജുകളിലെ മുഴുവന്‍ സീറ്റിലും എസ്.എഫ്.ഐ വിജയിച്ചു. അതേസമയം, കോഴിക്കോട് മെഡിക്കല്‍ കോളജില്‍ എസ്.എഫ്.ഐയെ പരാജയപ്പെടുത്തി ഇന്‍ഡിപെന്‍ഡന്‍സ് സഖ്യം വിജയിച്ചു. എല്ലാ ഹോമിയോ, ആയുര്‍വേദ കോളജുകളിലും എസ്.എഫ്.ഐ വിജയിച്ചു.