കോഴിക്കോട്: ഹിരോഷിമാ-നാഗസാക്കി ദിനാചരണത്തിന്റെ ഭാഗമായി കോഴിക്കോട് ഗവ. മോഡല്‍ ഹയര്‍സെക്കന്‍ഡറി സ്‌കൂള്‍ എന്‍.എസ്.എസ് യൂനിറ്റിന്റെ നേതൃത്വത്തില്‍ നഗരത്തില്‍ മനുഷ്യച്ചങ്ങല തീര്‍ത്തു. മാനാഞ്ചിറ സ്‌ക്വയറിനു ചുറ്റും കുട്ടികള്‍ തീര്‍ത്ത സമാധാനത്തിന്റെ മനുഷ്യച്ചങ്ങലയില്‍ നഗരത്തിലെ വിവിധ സ്‌കൂളുകളിലെ വിദ്യാര്‍ഥികള്‍ കൈകോര്‍ത്തു.
പരിപാടിയുടെ ഭാഗമായി യുദ്ധത്തിനെതിരായ സന്ദേശങ്ങള്‍ ഉള്‍ക്കൊള്ളുന്ന ചിത്രപ്രദര്‍ശനവും നടന്നു. വിദ്യാര്‍ഥികള്‍ യുദ്ധവിരുദ്ധ പ്രതിജ്ഞയെടുത്തു. മോഡല്‍ സ്‌കൂള്‍ എന്‍.എസ്.എസ് പ്രോഗ്രാം ഓഫിസര്‍ മനോജ് ബാബു പരിപാടികള്‍ക്കു നേതൃത്വം നല്‍കി.
കോഴിക്കോട്: കാലിക്കറ്റ് ഗേള്‍സ് വൊക്കേഷനല്‍ ഹയര്‍ സെക്കന്‍ഡറി സ്‌കൂള്‍ എന്‍.എസ്.എസ് നാഗസാക്കി ദിനത്തില്‍ യുദ്ധ വിരുദ്ധറാലി സംഘടിപ്പിച്ചു. പ്രിന്‍സിപ്പല്‍ പി.എം ശ്രീദേവി റാലി ഉദ്ഘാടനം ചെയ്തു.
മുഖദാര്‍, പരപ്പില്‍, ഇടിയങ്ങര, കുണ്ടുങ്ങല്‍ എന്നീ പ്രദേശങ്ങളില്‍ പ്രകടനം നടത്തി. എന്‍.എസ്.എസ് പ്രോഗ്രാം ഓഫിസര്‍ ജോളി ജോസഫ്, സ്വാബിര്‍ നേതൃത്വം നല്‍കി.