കഠിനംകുളം: മുണ്ടന്‍ചിറയില്‍ അനധികൃത മദ്യകച്ചവടം നടത്തിയ മൂന്നുപേര്‍ അറസ്റ്റില്‍. മുണ്ടന്‍ചിറ സ്വദേശി നസീര്‍(57), പുതുക്കുറിച്ചി സ്വദേശി ഷിബു (32), വടക്കേവിള സ്വദേശി സഫീര്‍(35)എന്നിവരാണ് പിടിയിലായത്.  ഓട്ടോറിക്ഷയില്‍ മദ്യം കൊണ്ടുവരുന്നതായി സൂചന ലഭിച്ചതിനെ തുടര്‍ന്ന് പൊലിസ് പിന്തുടര്‍ന്നെങ്കിലും ഓട്ടോറിക്ഷ ഉപേക്ഷിച്ച് രക്ഷപ്പെട്ടിരുന്നു. വാഹനത്തിലുണ്ടായിരുന്ന 24കുപ്പി മദ്യം പൊലിസ് കണ്ടെടുത്തു. ഒരുമാസമായി ഒളിവിലായിരുന്ന പ്രതികള്‍ കഴിഞ്ഞദിവസം കോടതിയില്‍ കീഴടങ്ങുകയായിരുന്നു. പിന്നീട് ഇവരെ പൊലിസ് കസ്റ്റഡിയില്‍ വാങ്ങി. കഠിനംകുളം എസ്.ഐ ബിനീഷ് ലാലിന്റെ നേതൃത്തത്തിലാണ് മദ്യം പിടികൂടിയത്.