പേരാമ്പ്ര: പേരാമ്പ്ര എ.യു.പി സ്‌ക്കൂളിലെ ഈ വര്‍ഷത്തെ സ്‌ക്കൂള്‍ ലീഡര്‍ തെരഞ്ഞെടുപ്പ് പൊതുതെരഞ്ഞെടുപ്പിന്റെ എല്ലാ നടപടിക്രമങ്ങളും പാലിച്ച് സംഘടിപ്പിച്ചു.
തെരഞ്ഞെടുപ്പ് വിജ്ഞാപനം നാമനിര്‍ദേശ പത്രിക സമര്‍പ്പണം, സൂക്ഷമ പരിശോധ, ചിഹ്നം അനുവദിക്കല്‍, പ്രചരണം, വോട്ടെടുപ്പ് ,വോട്ടെണ്ണല്‍, ഫലപ്രഖ്യാപനം, നിരീക്ഷണ സംവിധാനം, സത്യവാചകം ചൊല്ലല്‍ എന്നിവ തെരഞ്ഞെടുപ്പിന്റെ ഭാഗമായി നടപ്പിലാക്കി.
6സ്ഥാനാര്‍ഥികളായിരുന്നു മത്സര രംഗത്ത് ഉണ്ടായിരുന്നത്. അശ്വിന്‍ വിനോദ് ,ഇഷാനി .എസ്, ഹരിചന്ദ് എസ്.എം, മുഹമ്മദ് ഷിയാന്‍, സല്‍മാന്‍ ഫാരിസ്, യദുകൃഷ്ണന്‍എന്നിവരായിരുന്നു.
സ്ഥാനാര്‍ത്ഥികള്‍ ഇവര്‍ക്ക് ചിഹ്നമായി യഥാക്രമം ടെലിവിഷന്‍, വിമാനം, ഫാന്‍, ബോള്‍, ക്ലോക്ക്, കാര്‍ എന്നിവ നല്‍കി.
പ്രിസൈഡിങ്ങ് ഓഫീസര്‍, പോളിങ്ങ് ഉദ്യോഗസ്ഥര്‍, സുരക്ഷാ ചുമതലയുള്ള ഉദ്യോഗസ്ഥര്‍ എന്നിവരായി സ്‌കൗട്ട് ഗൈഡ് വിദ്യാര്‍ഥികള്‍ പ്രവര്‍ത്തിച്ചു.
വാശിയേറിയ തെരഞ്ഞെടുപ്പില്‍ സ്‌ക്കൂള്‍ ലീഡറായി യദുകൃഷ്ണന്‍ എസ്.വി.യും അസിസ്റ്റന്റ് ലീഡറായി ഹരിച് എസ്.എം തെരഞ്ഞെടുക്കപ്പെട്ടു.
വിജയിയെ പ്രഖ്യാപിച്ചതോടെ സ്‌കൂള്‍ കോമ്പൗണ്ടില്‍ ലീഡറെ പൂമാല അണിയിച്ച് ആഹ്ലാദ പ്രകടനം നടത്തി.
സത്യപ്രതിജ്ഞാ ചടങ്ങില്‍ ഹെഡ്മാസ്റ്റര്‍ കെ.കെ.രാജീവന്‍ സത്യവാചകം ചൊല്ലിക്കൊടുത്തു.സ്റ്റാഫ് സെക്രട്ടറി വി.പി.ചന്ദ്രി അദ്ധ്യക്ഷയായി.
സാമൂഹ്യ ശാസ്ത്ര ക്ലബ്ബിന്റെ നേതൃത്വത്തില്‍ നടന്ന തെരഞ്ഞെടുപ്പിന് കണ്‍വീനര്‍ ടി.കെ.ഉണ്ണികൃഷ്ണന്‍, ടി.ആര്‍.സത്യന്‍, പി.കെ. സ്മിത, അരുണ്‍കുമാര്‍, പി.എം, ഷിജില.കെ.എല്‍, അമൃത ആര്‍.ജി എന്നിവര്‍ നേതൃത്വം നല്‍കി.