കായംകുളം: ഇടിമിന്നലേറ്റ് ഒരാള്‍ മരിക്കുകയും ഒരാള്‍ക്ക് പരുക്കേല്‍ക്കുകയും ചെയ്തു. കൃഷ്ണപുരം സി.പി.സി.ആറിന് മുന്‍വശം തട്ട് കട തൊഴിലാളിയായ കായംകുളം ഞക്കനാല്‍ സ്വദേശി രമണന്‍ ആണ് മരിച്ചത്. കായംകുളം മേനാത്തേരി പാലോളി തെക്കതില്‍ ഗോപാലകൃഷ്ണനാണ് (53) പരുക്കേറ്റത്.

ഞായറാഴ്ച വൈകിട്ട് 5.30 ഓടെയാണ് സംഭവം. രമണനും ഗോപാലകൃഷ്ണനും തട്ട് കടയില്‍ ജോലി ചെയ്തു കൊണ്ടിരിക്കുമ്പോള്‍ ആണ് ഇടി മിന്നലേറ്റത്. ഇവരെ ഉടന്‍ തന്നെ കായംകുളം സര്‍ക്കാര്‍ ആശുപത്രിയില്‍ എത്തിച്ചെങ്കിലും രമണന്റെ ജീവന്‍ രക്ഷിക്കാനായില്ല. പരുക്ക് പറ്റിയ ഗോപാലകൃഷണന്‍ കായംകുളം താലൂക്ക് ആശുപത്രിയില്‍ ചികിത്സയിലാണ്.