ഇരിട്ടി: കുന്നുകളും മലകളും പുഴയും വനവും പക്ഷിമൃഗാദികളും നിരന്തരം ചൂഷണത്തിനിരയാവുന്നത് പ്രകൃതിയുടെയും മനുഷ്യരാശിയുടെയും നിലനില്‍പ് അപകടത്തിലാക്കുകയാണെന്ന ആശങ്ക പങ്കുവെച്ചു കൊണ്ട് കുട്ടികളുടെ പുസ്തക ചര്‍ച്ച നടന്നു. പായം ഗ്രാമീണ ഗ്രന്ഥാലത്തിന്റെ ബാല വിഭാഗമായ ഉദയ ബാലവേദിയുടെ ആഭിമുഖ്യത്തിലാണ് ചര്‍ച്ച നടത്തിയത്. ഗീവര്‍ഗീസിന്റെ പുഴ എന്ന ബാലനോ
വലിനെ അടിസ്ഥാനമാക്കിയായിരുന്നു പുസ്തക ചര്‍ച്ച. പാരിസ്ഥിതിക സംവാദ വേദിയായി മാറിയ ചര്‍ച്ചയില്‍ അന്‍പതോളം കുട്ടികള്‍ പങ്കെടുത്തു. ഏറ്റവും നല്ല വായനാക്കുറിപ്പിന് സമ്മാനവും നല്‍കി. നിപുണ്‍ ചടങ്ങില്‍ അധ്യക്ഷനായി. ബീനാ ട്രീസ പുസ്തകാവതരണം നടത്തി. പുസ്തക രചയിതാവ് ബാബു ജേക്കബ് കോളിക്കടവ്, ഹനീഫ ഇരിട്ടി, എന്‍.ആര്‍ ജയേഷ്, ബാലവേദി സിക്രട്ടറി എം. അഭിനന്ദ്, വിഷ്ണു പവിത്രന്‍ സംസാരിച്ചു.