കണ്ണൂര്‍: സര്‍വകലാശാല യൂനിയനിലേക്കു നടന്ന തെരഞ്ഞെടുപ്പില്‍ എസ്.എഫ്.ഐക്കു  വിജയം. തെരഞ്ഞെടുപ്പ് നടന്ന എല്ലാ സീറ്റിലും എസ്.എഫ്.ഐ വിജയിച്ചു.
എസ്.എഫ്.ഐ കണ്ണൂര്‍ ജില്ലാ ജോയിന്റ് സെക്രട്ടറിയും മാങ്ങാട്ടുപറമ്പ കാംപസിലെ ജേര്‍ണലിസം വിദ്യാര്‍ഥിയുമായ സി.പി ഷിജുവാണ് ചെയര്‍മാന്‍.
എസ്.എഫ്.ഐ കാസര്‍കോട് ജില്ലാ ജോയിന്റ് സെക്രട്ടറിയും നീലേശ്വരം പി.കെ രാജന്‍ മെമ്മോറിയല്‍ കാംപസിലെ എം.ബി.എ വിദ്യാര്‍ഥിയുമായ ശ്രീജിത്ത് രവീന്ദ്രനാണു ജനറല്‍ സെക്രട്ടറി. വൈസ് ചെയര്‍മാനായി ഇരിട്ടി ഐ.എച്ച്.ആര്‍.ഡി കോളജിലെ എം.എസ് അമല്‍, ലേഡി വൈസ് ചെയര്‍മാനായി ബ്രണ്ണന്‍ കോളജിലെ കെ. അനുശ്രീ, ജോയിന്റ് സെക്രട്ടറിയായി കാസര്‍കോട് സെന്റ് പയസ് കോളജിലെ ബിപിന്‍ രാജ്, വയനാട് ജില്ലാ എക്‌സിക്യൂട്ടിവായി മാനന്തവാടി കാംപസിലെ എം.എസ് അരവിന്ദ്, കണ്ണൂര്‍ ജില്ലാ എക്‌സിക്യൂട്ടിവ് ആയി പയ്യന്നൂര്‍ കോളജിലെ പി. അശ്വതി, കാസര്‍കോട് ജില്ലാ എക്‌സിക്യൂട്ടിവായി മടിക്കൈ മോഡല്‍ കോളജിലെ ടി. ഐശ്വര്യയെയും തെരഞ്ഞെടുത്തു.
വയനാട് ജില്ലാ എക്‌സിക്യൂട്ടിവായി മത്സരിച്ച എം.എസ് അരവിന്ദ് നേരത്തേ എതിരില്ലാതെ തെരഞ്ഞെടുക്കപ്പെടുകയായിരുന്നു.