ചേളാരി: സമസ്ത കേരള മദ്‌റസ മാനേജ്‌മെന്റ് അസോസിയേഷന്‍ (എസ്.കെ.എം.എം.എ) സംസ്ഥാന കൗണ്‍സില്‍ ക്യാംപ് നാളെ എടപ്പാള്‍ ദാറുല്‍ഹിദായ കാമ്പസില്‍ നടക്കും. രാവിലെ ഒന്‍പത് മുതല്‍ വൈകിട്ട് നാലുവരെയാണ് ക്യാംപ്.
കെ.പി.പി തങ്ങള്‍ പയ്യന്നൂര്‍ പതാക ഉയര്‍ത്തും. സംസ്ഥാന പ്രസിഡന്റ് കെ.ടി ഹംസ മുസ്‌ലിയാര്‍ അധ്യക്ഷനാവും. സമസ്ത പ്രസിഡന്റ് സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍ ഉദ്ഘാടനം ചെയ്യും. സമസ്ത വിദ്യാഭ്യാസ ബോര്‍ഡ് ജനറല്‍ സെക്രട്ടറി എം.ടി അബ്ദുല്ല മുസ്‌ലിയാര്‍ മുഖ്യപ്രഭാഷണം നിര്‍വഹിക്കും.
മദ്‌റസ സംവിധാനം, ദൗത്യ നിര്‍വഹണം, ഗുണമേന്‍മയുള്ള മതവിദ്യാഭ്യാസം, പാഠ്യ പദ്ധതി വിനിമയത്തില്‍ നൂതന സാങ്കേതിക വിദ്യകളുടെ സാധ്യത, നാം നൂറാം വാര്‍ഷികത്തിലേക്ക്, കര്‍മ പദ്ധതി തുടങ്ങിയ വിഷയങ്ങള്‍ കെ.എം അബ്ദുല്ല മാസ്റ്റര്‍, കെ. മോയിന്‍കുട്ടി മാസ്റ്റര്‍, അബ്ദുസ്സമദ് പൂക്കോട്ടൂര്‍, കെ.എം കുട്ടി എടക്കുളം, ഷാഹുല്‍ ഹമീദ് മേല്‍മുറി എന്നിവര്‍ അവതരിപ്പിക്കും.
സയ്യിദ് ഹമീദലി ശിഹാബ് തങ്ങള്‍ സമാപന സന്ദേശം നല്‍കും. സയ്യിദ് കെ.കെ.എസ് തങ്ങള്‍ വെട്ടിച്ചിറ, സയ്യിദ് സാബിഖലി ശിഹാബ് തങ്ങള്‍, മൊയ്തീന്‍ ഫൈസി പുത്തനഴി, മെട്രോ മുഹമ്മദ് ഹാജി, പി.വി മുഹമ്മദ് മൗലവി, സാദാ ലിയാഖത്തലിഖാന്‍, പുറങ്ങ് മൊയ്തീന്‍ മുസ്‌ലിയാര്‍, കെ.പി കോയ, എം.എ ഖാദര്‍, എം. അബ്ദുറഷീദ്, എ.കെ.കെ മരക്കാര്‍ എന്നിവര്‍ വിവിധ സെഷനുകള്‍ക്ക് നേതൃത്വം നല്‍കും.