ചേര്‍ത്തല:  സെന്റ് മൈക്കിള്‍സ് കോളജ് ഗ്രൗണ്ടില്‍ നടക്കുന്ന സംസ്ഥാന സബ് ജൂനിയര്‍ ഫുട്‌ബോള്‍ ചാംപ്യന്‍ഷിപ്പ് മത്സരങ്ങളില്‍ കോഴിക്കോടും ആലപ്പുഴയും തമ്മിലുള്ള മത്സരം മഴകാരണം ഇന്നത്തേയ്ക്ക് മാറ്റി. രാവിലെ മഴയ്ക്ക് മുമ്പ് കോഴിക്കോടും പത്തനംതിട്ടയും തമ്മില്‍ നടന്ന മത്സരത്തില്‍ ഇരുടീമുകളും ഒരോ ഗോള്‍ നേടി സമനില പാലിച്ചു. വൈകിട്ട് നടന്ന മത്സരത്തില്‍ മറുപടി ഇല്ലാത്ത അഞ്ച് ഗോളുകള്‍ക്ക് തൃശൂര്‍ കോട്ടയത്തെ പരാജയപ്പെടുത്തി. തുടര്‍ന്ന് നടന്ന മത്സരത്തില്‍ തിരുവനന്തപുരവും കൊല്ലവും ഗോളൊന്നുമില്ലാതെ സമനിലയില്‍ പിരിഞ്ഞു. ഇന്ന് രാവിലെ കൊല്ലം കോട്ടയവുമായും തിരുവനന്തപുരം തൃശൂരുമായും കോട്ടയം ആലപ്പുഴയുമായും ഏറ്റുമുട്ടും.