കട്ടപ്പന: 2015 ലെ ടീ മാര്‍ക്കറ്റിങ്  കണ്‍ട്രോള്‍ ഓര്‍ഡര്‍ ഭേദഗതി പ്രകാരം ടീ ബോര്‍ഡ് ഓഫ് ഇന്ത്യ ഓഗസ്റ്റ് മാസത്തെ പച്ചത്തേയിലയുടെ  ശരാശരി വിലയായി 10.38 രൂപ നിശ്ചയിച്ചു. ചെറുകിട തേയില കര്‍ഷകരില്‍ നിന്ന് ഇല വാങ്ങുന്ന  എല്ലാ ടീ ഫാക്ടറികളും ശരാശരി വിലയോ അതത് ഫാക്ടറികളുടെ ഓഗസ്റ്റ് മാസത്തെ തേയില  വിറ്റുവരവിന്റെ അടിസ്ഥാനത്തില്‍ ടീ ബോര്‍ഡ് അംഗീകരിച്ച പ്രൈസ് ഷെയറിങ് ഫോര്‍മുല  പ്രകാരമുള്ള വിലയോ, ഏതാണോ കടുതല്‍ അതു കര്‍ഷകര്‍ക്ക് നല്കി വിവരം ടീ ബോര്‍ഡിനെ  രേഖാമൂലം അറിയിക്കണമെന്ന് ഫാക്ടറി അഡൈ്വസറി ഓഫിസര്‍ നിര്‍ദ്ദേശിച്ചു.