ലണ്ടന്‍: ചൊവ്വയിലേക്കുള്ള മനുഷ്യ സഞ്ചാരത്തിനുള്ള പദ്ധതികള്‍ വിഡ്ഢിത്തമാണെന്ന് ബഹരാകാശ യാത്രികനായ ബില്ല് ആന്‍ഡേഴ്‌സ്. മനുഷ്യനെ വഹിച്ചുകൊണ്ട് ആദ്യമായി ചന്ദ്രന്റെ ഭ്രമണപഥത്തിലേക്കു സഞ്ചരിച്ച വാഹനമായ അപ്പോളോ 8ന്റെ യാത്രികരില്‍ ഒരാളാണ് ബില്ല് ആന്‍ഡേഴ്‌സ്.
ചൊവ്വയിലേക്കുള്ള യാത്രാ ശ്രമങ്ങള്‍ പരിഹാസ്യമാണെന്ന് അദ്ദേഹം പറഞ്ഞു. ചൊവ്വയിലേക്ക് സഞ്ചരിക്കാന്‍ അനിവാര്യമായ എന്തു സാഹചര്യമാണുള്ളതെന്നും ഇതിന് പൊതു താല്‍പര്യമുണ്ടാവുമെന്ന് താന്‍ ചിന്തിക്കുന്നില്ലെന്നും അദ്ദേഹം കൂട്ടിച്ചേര്‍ത്തു.
ചൊവ്വയിലേക്ക് മനുഷ്യനെ അയക്കുന്നതിനുള്ള തയാറെടുപ്പുകള്‍ നാസ നടത്തുന്നുണ്ട് . ചൊവ്വയിലേക്കുള്ള വാഹനായ ഇന്‍സൈറ്റ് നവംബറില്‍ ലാന്‍ഡ് ചെയ്തിരുന്നു. മനുഷ്യവാസം, ജല സാന്നിധ്യം എന്നിവ ഇന്‍സൈറ്റിന്റെ സഹായത്തോടെ ഗവേഷകര്‍ പരിശോധിക്കുന്നുണ്ട്.