പുല്‍പ്പള്ളി: യുവാവിനെ കടുവ ആക്രമിച്ച് കൊന്ന് തിന്നു. കര്‍ണാടക രാജീവ് ഗാന്ധി നാഷണല്‍പാര്‍ക്കില്‍ ഉള്‍പ്പെട്ട ബൈരഗുപ്പ വനമേഖലയിലെ മാനിമൂലാടി ആദിവാസി കോളനിയിലെ ദാസന്റെ മകന്‍ മധു (സെമീര്‍ 30) വിനെയാണ് കടുവ ആക്രമിച്ച് കൊന്നശേഷം ഭക്ഷിച്ചത്. കഴിഞ്ഞ ദിവസം മുതല്‍ കാണാതായ മധുവിനെ ബന്ധുക്കളും നാട്ടുകാരും ചേര്‍ന്ന് അന്വേഷിച്ചതിനെ തുടര്‍ന്നാണ് മൃതദേഹം കണ്ടെത്തിയത്. ശരീരത്തിന്റെ തലയടക്കമുള്ള ഭാഗങ്ങള്‍ വന്യമൃഗം ഭക്ഷിച്ച നിലയിലാണുള്ളത്.

ആക്രമിച്ചതിന്റെ ലക്ഷണങ്ങളില്‍നിന്ന് കുടുവയാണ് ആക്രമിച്ചതെന്ന് പ്രദേശവാസികള്‍ പറഞ്ഞു. വനപാലകരും പൊലിസും ജനപ്രതിനിധികളും സ്ഥലത്തെത്തി തുടര്‍ നടപടികള്‍ സ്വീകരിച്ചു. ഭാര്യ: ഭാഗ്യ. മൂന്ന് മക്കളുണ്ട്.