കൊച്ചി ശാസ്ത്രസാങ്കേതിക സര്‍വകലാശാല ഗണിതശാസ്ത്ര വകുപ്പ്, കേന്ദ്ര അറ്റോമിക് എനര്‍ജി വകുപ്പിലെ നാഷണല്‍ ബോര്‍ഡ് ഓഫ് ഹയര്‍ മാത്‌സിന്റെ (എന്‍.ബി.എച്ച്.എംഡി.എ.ഇ) ആഭിമുഖ്യത്തില്‍ മേഖലാ ഗണിതശാസ്ത്ര ഒളിംപ്യാഡ് ഒക്ടോബര്‍ ഒന്‍പതിനു വിവിധ കേന്ദ്രങ്ങളില്‍ നടത്തും.

പത്ത്, പതിനൊന്ന് ക്ലാസുകളിലെ വിദ്യാര്‍ഥികള്‍ക്ക് പങ്കെടുക്കാവുന്ന പരീക്ഷയ്ക്ക് 75 രൂപയാണ് അപേക്ഷാ ഫീസ്.അപേക്ഷകള്‍ സ്വീകരിക്കുന്ന അവസാന തിയതി സെപ്റ്റംബര്‍ അഞ്ച്. കൂടുതല്‍ വിവരങ്ങള്‍ക്കു ഡോ.എ. വിജയകുമാര്‍, മേഖലാ കോഡിനേറ്റര്‍, ഗണിതശാസ്ത്ര വിഭാഗം, കൊച്ചി ശാസ്ത്രസാങ്കേതിക സര്‍വകലാശാല, കൊച്ചി 682022ല്‍ ബന്ധപ്പെടണം.