കണ്ണൂര്‍: വിമാനത്താവളം പ്രവര്‍ത്തനം ആരംഭിച്ച് പത്തുദിവസം പിന്നിടുമ്പോള്‍ യാത്രക്കാരില്‍ നിന്നു മികച്ച പ്രതികരണമാണു ലഭിക്കുന്നതെന്നു കിയാല്‍ എം.ഡി വി. തുളസീദാസ്. എല്ലാ സര്‍വിസുകളും നിറഞ്ഞ യാത്രക്കാരുമായാണു യാത്രചെയ്യുന്നത്.
കൂടുതല്‍ ആഭ്യന്തര, വിദേശ സര്‍വിസ് ആരംഭിക്കാന്‍ 2019ല്‍ സാധ്യമാകുമെന്നാണു പ്രതീക്ഷ. വിദേശ വിമാനക്കമ്പനികള്‍ക്കും അടുത്തവര്‍ഷം സര്‍വിസ് നടത്താന്‍ കേന്ദ്രാനുമതി ലഭിക്കാന്‍ സാധ്യതയുണ്ടെന്നും തുളസീദാസ് പറഞ്ഞു.