തിരുവനന്തപുരം: വഴുതക്കാടിനു സമീപം ഹീരാ ഹോംസിന്റെ ഏറ്റവും വലിയ പ്രോജക്ടായ ഹീരാ ഗ്രാന്‍ഡ് വില്ല താമസത്തിന് സജ്ജമായി. രണ്ട് ടവറുകളിലായി ലക്ഷ്വറി അപ്പാര്‍ട്ടുമെന്റുകളാണ് പൂര്‍ത്തീകരിച്ചിട്ടുള്ളത്. ഉപഭോക്താക്കള്‍ക്ക് ആസ്വദിച്ച് ജീവിക്കാനുള്ള എല്ലാ സൗകര്യവും ഒരുക്കിയിട്ടുണ്ടെന്നു ഹീര എം.ഡി ഹീര ബാബു പറഞ്ഞു. ഹോം തിയറ്റര്‍, എയര്‍കണ്ടീഷന്‍ ലോബി, ഹെല്‍ത്ത് ക്ലബ്ബ്, റെക്ടിക്യൂലേറ്റഡ് ഗ്യാസ് സിസ്റ്റം, ചില്‍ഡ്രന്‍സ് പാര്‍ക്ക് എന്നിവയും ഹീരയുടെ സവിശേഷതകളാണ്.
സെന്‍സര്‍ കാര്‍ഡ്, ബയോമെട്രിക്‌സ്, വീഡിയോ ഡോര്‍ഫോണ്‍ ഉള്‍പ്പെടെയുള്ള നൂതനമായ എല്ലാ സുരക്ഷാ സംവിധാനങ്ങളും ഉള്‍ക്കൊള്ളിച്ചുകൊണ്ടുള്ള ശാന്തസുന്ദരമായ ഒരു അന്തരീക്ഷമാണ് വിഭാവനം ചെയ്തിട്ടുള്ളത്. ഗ്രീന്‍ ബില്‍ഡിങ് ആശയത്തില്‍ വിഭാവനം ചെയ്ത കെട്ടിടമെന്ന സവിശേഷത കൂടി ഹീരാ ഗ്രാന്‍ഡ് വില്ലയ്ക്ക് ഉണ്ട്. ഈ പ്രോജക്ടിന്റെ ഉദ്ഘാടനം 24നു വൈകുന്നേരം 4 മണിക്ക് മേയറുടെ അധ്യക്ഷതയില്‍ മന്ത്രി കടകംപള്ളി സുരേന്ദ്രന്‍ ഉദ്ഘാടനം ചെയ്യും. ആദ്യ താക്കോല്‍ദാനം വി.എസ് ശിവകുമാര്‍ എം.എല്‍.എ നിര്‍വഹിക്കും.