തിരുവനന്തപുരം: ശബരിമലയിലെ നിരോധനാജ്ഞ പിന്‍വലിക്കണമെന്നാവശ്യപ്പെട്ട് സെക്രട്ടറിയേറ്റിന് മുന്നില്‍ നിരാഹാരം അനുഷ്ഠിക്കുന്ന ബി.ജെ.പി സംസ്ഥാന ജനറല്‍ സെക്രട്ടറി ശോഭാ സുരേന്ദ്രന്‍ ഗ്ലാസില്‍ പാനീയം കുടിക്കുന്ന വീഡിയോ പുറത്ത്. ബോധം നഷ്ടപ്പെടുംവരെ സമരം തുടരുമെന്ന് ശോഭാ സുരേന്ദ്രന്‍ പ്രഖ്യാപിച്ചതിന് തൊട്ടു പിന്നാലെയാണ് പാനിയം കുടിയ്ക്കുന്ന വീഡിയോ പുറത്തുവന്നത്.

രണ്ട് സ്ത്രീകള്‍ മറഞ്ഞുനില്‍ക്കുകയും മറ്റൊരു സ്ത്രീ സ്റ്റീല്‍ ഗ്ലാസില്‍ പാനിയം നല്‍കുകയും ശോഭാ സുരേന്ദന്‍ അത് വാങ്ങിക്കുടിക്കുകയും ചെയ്യുന്നത് വീഡിയോയില്‍ കാണാം. കുടിച്ചു കഴിഞ്ഞ് കഴുത്തില്‍ കിടന്ന ഷാളുകൊണ്ട് മുഖം തുടക്കുകയും ചെയ്യുന്നുണ്ട്.

ശബരിമലയില്‍ സര്‍ക്കാര്‍ പ്രഖ്യാപിച്ച നിരോധനാജ്ഞ പിന്‍വലിക്കണമെന്നാവശ്യപ്പെട്ടാണ് സെക്രട്ടേറിയറ്റിന് മുന്നില്‍ ബി.ജെ.പി നിരാഹാര സമരം ആരംഭിച്ചത്. ആദ്യം എ.എന്‍ രാധാകൃഷ്ണനും പിന്നീട് സി.കെ പത്മനാഭനും ശേഷമാണ് ശോഭ സുരേന്ദ്രന്‍ നിരാഹാര സമരം ഏറ്റെടുത്തത്. ശോഭയുടെ നിരാഹാര സമരം ഇന്ന് പത്താംദിവസത്തിലേക്ക് കടന്നു.

[playlist type="video" ids="671284"]