കൊപ്പം: വിളയൂര്‍ വള്ളിയത്ത് കുളമ്പില്‍ സുപ്രഭാതം ക്യാംപയ്ന്‍ നടത്തി. ഹയാത്തുല്‍ ഇസ്‌ലാം മദ്‌റസയില്‍ നടന്ന ചടങ്ങില്‍ ഡി.സി.സി മെമ്പര്‍ വി. അഹമ്മദ് കുഞ്ഞിയെ വാര്‍ഷിക വരിക്കാരനായി ചേര്‍ത്ത് പഞ്ചായത്ത് എസ്.വൈ.എസ് ട്രഷറര്‍ വി. കോയാമു ഹാജി ഉദ്ഘാടനം ചെയ്തു. കാസിം അന്‍വരി വള്ളിക്കുന്നത്ത് വിശദീകരിച്ചു. ഉന്നത വിജയികള്‍ക്കുള്ള ഉപഹാരം വി. കുഞ്ഞഹമ്മദ് ഹാജി വിതരണം ചെയ്തു. വിദ്യാര്‍ഥികള്‍ക്കുള്ള പഠനോപകരണങ്ങളും ചടങ്ങില്‍ വിതരണം ചെയ്തു. ഹജ്ജിനു പോകുന്ന മഹല്ല് കമ്മിറ്റി അംഗം വള്ളിക്കുന്നത്ത് മുഹമ്മദിന് യാത്രയയപ്പ് നല്‍കി. മുദരിബ് ഷാഫി റഹീമി കാരക്കാട് മുഖ്യപ്രഭാഷണം നടത്തി. മുഹമ്മദ് കുട്ടി മുസ്‌ലിയാര്‍, എം.കെ. യൂസുഫ് അന്‍വരി, അവറാന്‍ ഫൈസി, മുഹമ്മദ്കുട്ടി മുസ്‌ലിയാര്‍, ഷിബില്‍ മുസ്‌ലിയാര്‍ പ്രസംഗിച്ചു.