കോതമംഗലം:പെരിയാറില്‍ കുളിക്കാനിറങ്ങി ഒഴുക്കില്‍പ്പെട്ട് കാണാതായ എന്‍ജിനീയറിങ് വിദ്യാര്‍ഥിക്കായുള്ള തിരച്ചില്‍ തുടരുന്നു. നേര്യമംഗലം ഭാഗത്ത് പെരിയാറിലെ പത്താഴ പാറക്കു സമീപം ശനിയാഴ്ച വൈകിട്ടായിരുന്നു അപകടം.
സുഹൃത്തുക്കളോടെന്നിച്ച് കുളിക്കാനിറങ്ങിയ നെല്ലിമറ്റം എബിറ്റ്‌സ് എന്‍ജിനീയറിങ് കോളേജ് വിദ്യാര്‍ഥി ചെങ്ങറയില്‍ അനന്തകൃഷണര്‍ (22) ആണ് അപകടത്തില്‍പ്പെട്ടത്.കോതമംഗലത്തു നിന്നെത്തിയ ഫയര്‍ഫോഴ്‌സും നാട്ടുകാരും ചേര്‍ന്ന് ശനിയാഴ്ച രാത്രിയിലും തിരച്ചില്‍ നടത്തിയെങ്കിലും കണ്ടെത്താനായില്ല. രാത്രി ഏഴരയോടെ തിരച്ചില്‍ നിര്‍ത്തിവച്ചെങ്കിലും ഞായറാഴ്ച രാവിലെ വീണ്ടും കൂടുതല്‍ സൗകര്യങ്ങള്‍ ഉപയോഗിച്ച്തിരച്ചില്‍ ആരംഭിക്കുകയായിരുന്നു. കേരള ഫയര്‍ഫോഴ്‌സിന്റെ സ്‌കൂബ ടീമിലെ എറണാകുളം ജില്ലയിലെ വിദഗ്ധരായ ബെന്നി മാത്യൂസ്, ബൈജു പി.ചന്ദ്രന്‍, പി.എം.റഷീദ്, എം.അനില്‍കുമാര്‍, കെ.ബി.ഷാജിമോന്‍ എന്നീ അഞ്ചു പേരുടെ നേതൃത്വത്തിലാണ് തിരച്ചില്‍ നടത്തിയത് .
ഇവരോടെപ്പം നാട്ടുകാരും രംഗത്തുണ്ടായിരുന്നു . കിഴക്കന്‍ മേഖലയില്‍ ഉണ്ടായ മഴയെ തുടര്‍ന്നുണ്ടായ കലക്കലും പെരിയാറില്‍ ഈ ഭാഗത്തുള്ളഅടിഒഴുക്കും തിരച്ചിലിന് തടസ്സമാകുന്നുണ്ട്. അപകടം നടന്ന പത്താഴ പാറക്ക് സമീപം തന്നെ കുടുങ്ങിയാട്ടുണ്ടാകുമെന്ന ധാരണയില്‍ അവിടം കേന്ദ്രീകരിച്ചാണ് പ്രധാനമായും തിരച്ചില്‍ നടത്തിയത്.
വൈകിട്ടുവരെ ഫയര്‍ഫോഴ്‌സ് സേന അംഗങ്ങളും തിരച്ചില്‍ നടത്തിയെങ്കിലും ഫലം കണ്ടില്ല. രാത്രിയോടെ തിരച്ചില്‍ അവസാനിപ്പിച്ചു.
ഡപ്യൂട്ടി കളകടര്‍ സുരേഷ് കുമാറിന്റെ നേതൃത്വത്തില്‍ കോതമംഗലം തഹസില്‍ദാര്‍ രേണു ആര്‍, അഡീഷണല്‍ തഹസില്‍ദാര്‍ കെ.വി.വിജയന്‍, ഡെപൂട്ടി തഹസില്‍ദാര്‍ എ.ആര്‍.രാജശേഖരന്‍, നേര്യമംഗലം വി.ഒ.ഭരതന്‍ എന്നിവരുടങ്ങുന്ന റവന്യു ഉദ്യോ സ്ഥരും ഊന്നുകല്‍ പൊലിസും ഇന്നലെസ്ഥലത്ത് ക്യാമ്പ് ചെയ്തിതിരുന്നു. കൂടുതല്‍ തിരച്ചിലിനായി കൊച്ചിയില്‍ നിന്നും നേവിയുടെ സഹായം തേടാനും ആലോചനയുണ്ട്. അനന്ത കൃ ഷണന്റെ പിതാവ് കോതമംഗലം സ്റ്റാസ്റ്റിക്കല്‍ ഇന്‍സ്പടര്‍ രാധാകൃഷ്ണനാണ് ,.മാതാവ്: ഉഷ. സഹോദരങ്ങള്‍: യദുകൃഷ്ണന്‍, ഉദയകൃഷണന്‍ (ഇരുവരും വിദ്യാര്‍ഥികള്‍).