കോട്ടയം: കറുകച്ചാല്‍ കാഞ്ഞിരംപാറയില്‍ പാറക്കുളത്തില്‍ യുവാവിന്റെ മൃതദേഹം കണ്ടെത്തി. ആലപ്പുഴ കൈനടി വടക്കാട്ട് വീട്ടില്‍ മുകേഷിന്റെ(31) മൃതദേഹമാണ് കണ്ടെത്തിയത്. ബൈക്കില്‍ കയറുകൊണ്ട് ബന്ധിച്ച നിലയിലായിരുന്നു മൃതദേഹം.

പൊലിസും അഗ്നിരക്ഷാസേനയും ചേര്‍ന്ന് കുളത്തില്‍ നിന്നും മൃതദേഹം പുറത്തെടുത്തു. ഇന്‍ക്വസ്റ്റ് നടപടികള്‍ പൂര്‍ത്തിയാക്കിയശേഷം മൃതദേഹം കോട്ടയം മെഡിക്കല്‍ കോളേജ് ആശുപത്രിയിലേക്ക് മാറ്റി.