ഷില്ലോങ്: മേഘാലയയിലെ ഖനിയില്‍ കുടുങ്ങിയ തൊഴിലാളികളെ കണ്ടെത്താനുള്ള ശ്രമം ഫലം കണ്ടില്ല.
തൊഴിലാളികളുടെ മൂന്ന് ഹെല്‍മറ്റുകള്‍ രാവിലെ രക്ഷാപ്രവര്‍ത്തകര്‍ക്ക് ലഭിച്ചെങ്കിലും ഖനിയില്‍ കുടുങ്ങിയവരെക്കുറിച്ച് വിവരമൊന്നും ലഭ്യമായിട്ടില്ല.

ഇന്നും രക്ഷാപ്രവര്‍ത്തനം പുനരാരംഭിക്കുമെന്ന് ദേശീയ ദുരന്തനിവാരണ സേന അസി. കമാന്‍ഡന്റ് സി.കെ സിങ് പറഞ്ഞു.
രക്ഷാപ്രവര്‍ത്തനങ്ങള്‍ക്കായി വ്യോമസേനയും നാവികസേനയും രംഗത്തെത്തിയിട്ടുണ്ട്. ഖനിയില്‍ വെള്ളം കെട്ടിക്കിടക്കുന്നതാണ് രക്ഷാപ്രവര്‍ത്തനം ദുഷ്‌കരമാക്കുന്നത്.

മേഘാലയയിലെ കിഴക്കന്‍ ജെന്തിയ കുന്നുകളില്‍ 370 അടി ആഴത്തിലുള്ള അനധികൃത ഖനിയില്‍ കഴിഞ്ഞ 13നാണ് ഒരു ഡസനിലേറെ തൊഴിലാളികള്‍ കുടുങ്ങിയത്.