മാള: പോക്‌സോ കേസില്‍ യുവാവ് അറസ്റ്റില്‍. മാരേക്കാട് പള്ളിയില്‍ ബിബീഷ് (24) നെയാണ് മാള പൊലിസ് അറസ്റ്റ് ചെയ്തത്. പ്രായപൂര്‍ത്തിയാകാത്ത പെണ്‍കുട്ടിയെ കാണാനില്ലെന്ന വീട്ടുകാരുടെ പരാതിയെ തുടര്‍ന്ന് നടത്തിയ അന്വേഷണത്തിലാണ് പ്രതി അറസ്റ്റിലായത്. രണ്ടു ദിവസം മുന്‍പാണ് പെണ്‍കുട്ടിയെ കാണാനില്ലെന്നു പരാതി ലഭിച്ചത്. പ്രായപൂര്‍ത്തിയാകാത്ത പെണ്‍കുട്ടിയെ പ്രതി പ്രേമിച്ച് വിവാഹം ചെയ്തതായി പൊലിസ് അറിയിച്ചു.