കൊണ്ടോട്ടി: ദുബെയില്‍ നിന്നെത്തിയ യാത്രക്കാരനില്‍ നിന്ന് 50 ലക്ഷത്തിന്റെ സ്വര്‍ണം കരിപ്പൂര്‍ എയര്‍കസറ്റംസ് പിടികൂടി. ഇന്നലെ ഇന്‍ഡിഗോ വിമാനത്തില്‍ ദുബൈയില്‍ നിന്ന് കരിപ്പൂരിലെത്തിയ കണ്ണൂര്‍ മല്ലൂര്‍ ശിവപുരം സ്വദേശി അബ്ദുള്‍ സലാം(36) എന്ന യാത്രക്കാരനില്‍ നിന്നാണ് സ്വര്‍ണം കണ്ടെത്തിയത്.
സ്വര്‍ണം മിശ്രിതമാക്കി കാല്‍മുട്ടിന് താഴെ ഒട്ടിച്ച് സോക്‌സ് ധരിച്ചാണ് ഇയാളെത്തിയിരുന്നത്. മരുന്നുവച്ചു കെട്ടിയാതാണെന്ന് ബോധ്യപ്പെടുത്തി രക്ഷപ്പെടാനാായിരുന്നു ഇയാളുടെ ശ്രമം. എന്നാല്‍ സംശയം തോന്നിയ ഉദ്യോഗസ്ഥര്‍ കാലിനു താഴെയുള്ള കെട്ടഴിക്കാന്‍ ആവശ്യപ്പെടുകയായിരുന്നു. തുടര്‍ന്നാണ് പ്രത്യേക മിശ്രിതത്തില്‍ സ്വര്‍ണം ലയിപ്പിച്ചതായി കണ്ടെത്തിയത്. മിശ്രിതം കാല്‍മുട്ടിന് താഴെബാന്‍ഡേജ് ചെയ്ത് ഓട്ടിച്ച്‌വച്ച നിലയിലായിരുന്നു.
2.5 കിലോ ഗ്രാം മിശ്രിതമാണ് ഇയാളില്‍ നിന്ന് കണ്ടെടുത്തത്. മിശ്രിതത്തില്‍ നിന്ന് പിന്നീട് 1.5 കിലോ സ്വര്‍ണം വേര്‍തിരിച്ചെടുക്കുകയായിരുന്നു. ഇതിന് മാര്‍ക്കറ്റില്‍ 50 ലക്ഷം രൂപ വിലലഭിക്കും.