മമ്പാട്: ഗള്‍ഫ് റിട്ടേണ്‍ ഓര്‍ഗനൈസേഷന്‍ മമ്പാട് പഞ്ചായത്ത് കമ്മിറ്റിയുടെ നേതൃത്വത്തില്‍ മെഡിക്കല്‍ എന്‍ട്രന്‍സ് പരീക്ഷയില്‍ ഉയര്‍ന്ന റാങ്ക് നേടിയ മമ്പാട് നടുവക്കാട്ടിലെ കെ.തൗഫീക്കിനെ ആദരിച്ചു. അവാര്‍ഡ് വിതരണവും നിര്‍ധന വിദ്യാര്‍ഥികള്‍ക്കുള്ള പഠനോപകരണ വിതരണവും ഗ്രാമപഞ്ചായത്ത് പ്രസിഡണ്ട് കണ്ണിയന്‍ റുക്കിയ്യ ഉദ്ഘാടനം ചെയ്തു. സംഘടനയുടെ ജില്ലാ പ്രസിഡണ്ട് മച്ചിങ്ങല്‍ അലവിക്കുട്ടി അധ്യക്ഷനായി. യൂനിവേഴ്‌സിറ്റി സിന്‍ഡിക്കേറ്റംഗം പ്രൊഫ. കെ.സലാഹുദ്ദീന്‍, ഷാജി ബാബു, ഉമര്‍ ആരോളി, കെ.പി അബ്ദുല്‍ മജീദ്, വി.ടി സദാനന്ദന്‍, മാളികേക്കല്‍ അര്‍ഷാദ് എന്നിവര്‍ പ്രസംഗിച്ചു.