പാലക്കാട്: കേരള സര്‍വ്വോദയ മണ്ഡലത്തിന്റെയും, പാലക്കാട് നല്ലഭക്ഷണ പ്രസ്ഥാനത്തിന്റെയും സംയുക്താഭിമുഖ്യത്തില്‍ സ്വാഭാവിക ജീവിത പ്രചാരകരായ കെ.എം ഹിലാലും, ബിജി ഹിലാലും നയിക്കുന്ന ദ്വിദിന പഠനശിബിരം ഓഗസ്റ്റ് 27, 28 തീയതികളില്‍ കല്ലേക്കാട് ഭാരതീയ വിദ്യാനികേതന്‍ ബി.എഡ്.കോളജ് അങ്കണത്തില്‍ നടക്കും.
തിരക്കേറിയ ആധുനിക ജീവിത ക്രമത്തിനിടയില്‍ കൈവിട്ടുപോയ പൂര്‍വികരുടെ നല്ലശീലങ്ങളെ സമകാലികമായി പരിഷ്‌കരിച്ച് ജീവിതത്തിന്റെ ഭാഗമാക്കിയ നിരവധി ദമ്പതിമാരും കുട്ടികളും പങ്കെടുക്കുന്ന പഠനശിബിരത്തില്‍ നല്ലജീവിതം കാംക്ഷിക്കുന്ന ഏവര്‍ക്കും കുടുംബസമേതം ശിബിരത്തില്‍ പങ്കെടുക്കാം.
വിഷരഹിതമായ ഭക്ഷണശീലം വളര്‍ത്തി ജീവിത ശൈലീരോഗങ്ങളെ അകറ്റി നിര്‍ത്താനും സുജീവിതം സാധ്യമാക്കാനും പാലക്കാട് നല്ല ഭക്ഷണ പ്രസ്ഥാനം തുടര്‍ന്നു വരുന്ന പ്രയ്തനങ്ങളുടെ ഭാഗമായാണ് പരിപാടി സംഘടിപ്പിച്ചിരിക്കുന്നത്.
താമസ സൗകര്യത്തോടെയും അല്ലാതെയും ക്യാംപില്‍ പങ്കെടുക്കാന്‍ ആഗ്രഹിക്കുന്നവര്‍ 9072370001, 9567510069 എന്നീ നമ്പറുകളില്‍ വിളിച്ച് മുന്‍കൂട്ടി പേര് രജിസ്റ്റര്‍ ചെയ്യേണമെന്ന് നല്ല ഭക്ഷണ പ്രസ്ഥാനം സെക്രട്ടറി പുതശ്ശേരി ശ്രീനിവാസന്‍ അറിയിച്ചു.