വട്ടിയൂര്‍ക്കാവ്: ഒന്നിച്ചിരുന്നു മദ്യപിച്ചശേഷം തര്‍ക്കമുണ്ടാകുകയും ആ തര്‍ക്കത്തിന്റെ പേരില്‍ ബൈക്ക് കത്തിക്കുകയും ചെയ്ത പ്രതി പിടിയില്‍. നെട്ടയം മണലയം ചരുവിള വീട്ടില്‍ മൊഡിനിക് കണ്ണന്‍ (47) ആണ് പിടിയിലായത്.
കഴിഞ്ഞ 9ാം തീയതിയായിരുന്നു സംഭവം. നിരവധി ക്രിമിനല്‍ക്കേസിലെ പ്രതി മണലയം ചര്‍ച്ചിനു സമീപം എസ്.ജി ഭവനില്‍ സാഞ്ചുവിന്റെ യമഹാ ബൈക്കാണ് പ്രതി കത്തിച്ചത്. ഒന്നിച്ചിരുന്നു മദ്യപിച്ചശേഷമുണ്ടായ വാക്കുതര്‍ക്കമാണ് സംഭവത്തിനു പിന്നിലെന്ന് വട്ടിയൂര്‍ക്കാവ് പൊലിസ് പറഞ്ഞു.
എസ്.ഐ മുരളീകൃഷ്ണനും സംഘവും പിടികൂടിയ പ്രതിയെ പിന്നീട് ജാമ്യത്തില്‍ വിട്ടയച്ചു.