കല്ലമ്പലം: കെ.ടി.സി.ടി ഹയര്‍സെക്കന്‍ഡറി സ്‌കൂളിലെ എന്‍.എസ്.എസ് യൂനിറ്റിന്റെ നേതൃത്വത്തില്‍ ആറ്റിങ്ങല്‍ കരുണാലയത്തിലെ അന്തേവാസികള്‍ക്ക് ഉച്ചഭക്ഷണം നല്‍കി.
വീടുകളില്‍നിന്നു തയ്യാറാക്കിക്കൊണ്ടുവരുന്ന ഭക്ഷണമാണ് കരുണാലയത്തിലെ അന്തേവാസികളളോടൊപ്പം കുട്ടികള്‍ പങ്കിട്ടത്. കെ.ടി.സി.ടിയിലെ പ്ലസ്ടു വിഭാഗം എന്‍.എസ്.എസ് യൂനിറ്റിലെ 60 ഓളം കുട്ടികള്‍ കരുണാലയം സന്ദര്‍ശിക്കാന്‍ എത്തിയിരുന്നു. പ്രിന്‍സിപ്പാള്‍  എസ്. സഞ്ജീവിന്റെയും എന്‍.എസ്.എസ് പ്രോഗ്രാം കോ ഓര്‍ഡിനേറ്റര്‍ ബിജു നായരുടെയും നേതൃത്വത്തിലായിരുന്നു കുട്ടികളെത്തിയത്.
എല്ലാമാസത്തെയും ഒരുദിവസം കുട്ടികള്‍   കരുണാലയത്തിലെ അന്തേവാസികളുമായി ചിലവഴിക്കുന്നുണ്ട്. കെ.ടി.സി.ടി എന്‍.എസ്.എസ് യൂനിറ്റിനെ ജില്ലയിലെ മികച്ച എന്‍.എസ്.എസ് യൂനിറ്റായി സംസ്ഥാന എന്‍.എസ്.എസ് കോ ഓര്‍ഡിനേഷന്‍ കമ്മിറ്റി കഴിഞ്ഞമാസം പ്രഖ്യാപിച്ചിരുന്നു.