താമരശേരി: ചുരത്തിലെ കുഴിയില്‍ വീണ് ലോറികള്‍ മറിഞ്ഞു. ചരക്കുലോറിയും കണ്ടെയ്‌നറുമാണ് മറിഞ്ഞത്.
ഞായറാഴ്ച രാത്രി രണ്ടരയോടെ ഏഴാം വളവില്‍ മൈസൂരുവില്‍നിന്ന് വളം കയറ്റിയെത്തിയ ചരക്കുലോറി റോഡിലെ കുഴിയില്‍ വീണ് നിയന്ത്രണംവിട്ടു മറിയുകയായിരുന്നു. ചിപ്പിലിത്തോട്ടിലാണ് കണ്ടെയ്‌നര്‍ ലോറി കുഴിയില്‍ വീണ് റോഡരികിലെ കാനയിലേക്ക് മറിഞ്ഞത്.
ഞായറാഴ്ച രാവിലെ സ്‌കാനിയ ബസും ഇവിടെ അപകടത്തില്‍പെട്ടിരുന്നു.
ചുരം സംരക്ഷണ സമിതി പ്രവര്‍ത്തകരും പൊലിസും സ്ഥലത്തെത്തി ചരക്കുലോറിയില്‍നിന്ന് വളം മറ്റൊരു ലോറിയിലേക്ക് മാറ്റി വാഹനം റോഡില്‍നിന്ന് നീക്കം ചെയ്തു.
പുലര്‍ച്ചയോടെയാണ് ഗതാഗതം ഭാഗികമായി പുനഃസ്ഥാപിച്ചത്.