കോഴിക്കോട്: മന്ത്രി തോമസ് ചാണ്ടിയുടെ റിസോര്‍ട്ടിലേക്ക് യൂത്ത് ലീഗ് നടത്തിയ മാര്‍ച്ചിന് നേരേയും നേതാക്കളെയും പ്രവര്‍ത്തകരേയും അറസ്റ്റ് ചെയ്ത പൊലിസ് നടപടിയിലും പ്രതിഷേധിച്ച് യൂത്ത് ലീഗ് ജില്ലാ കമ്മിറ്റി പ്രതിഷേധ പ്രകടനം നടത്തി. സംസ്ഥാന സീനിയര്‍ വൈസ് പ്രസിഡന്റ് നജീബ് കാന്തപുരം ഉദ്ഘാടനം ചെയ്തു.
യു. സജീര്‍ അധ്യക്ഷനായി. ആഷിഖ് ചെലവൂര്‍, സാജിദ് നടുവണ്ണൂര്‍, കെ.എം.എ റഷീദ്, എ. സിജിത്ത്ഖാന്‍, എ.പി അബ്ദുസ്സമദ്, ടി.പി.എം ജിഷാന്‍, വി. സുബൈര്‍, മന്‍സൂര്‍ മാങ്കാവ് സംസാരിച്ചു. ഷഫീഖ് തോപ്പയില്‍, മുഹമ്മദ് മദനി, ഹാഷിം പുതിയകടവ്, ടി. സുല്‍ഫിക്കര്‍, മനാഫ്, ഹാരിസ്, നസീര്‍, ജാഫര്‍, നിസാര്‍, നബീല്‍ അഹമ്മദ് നേതൃത്വം നല്‍കി.
അത്തോളി: മുസ്‌ലിം യൂത്ത് ലീഗ് അത്തോളി പഞ്ചായത്ത് കമ്മിറ്റി അത്തോളി ടൗണില്‍ പ്രകടനം നടത്തി.
പഞ്ചായത്ത് ഭാരവാഹികളായ അഫ്‌സല്‍ എം. കൂമുള്ളി, എ.പി സിറാജ്, റഫീഖ് പി.കെ നേതൃത്വം നല്‍കി. സാജിദ് കോറോത്ത്, കെ.ടി.കെ ഹമീദ്, കെ.ടി.കെ ബഷീര്‍, റഈസുദ്ദീന്‍ വാഹിദ്, റഫീഖ് തോരായി, ബാസിത്ത്, ആദില്‍ സംബന്ധിച്ചു.
തലക്കുളത്തൂര്‍: എലത്തൂര്‍ മണ്ഡലം യൂത്ത് ലീഗ് കമ്മിറ്റിയുടെ നേതൃത്വത്തില്‍ പറമ്പത്തങ്ങാടിയില്‍ പ്രതിഷേധ പ്രകടനം നടത്തി. ഷാഹിര്‍ കുട്ടമ്പൂര്‍, കെ. ഫൈജാസ്, എം.പി ഫൈസല്‍ എന്നിവര്‍ നേതൃത്വം നല്‍കി.