മലപ്പുറം: കൊടിഞ്ഞി ഫൈസല്‍ വധക്കേസിലെ രണ്ടാം പ്രതി വെട്ടേറ്റ് മരിച്ച നിലയില്‍. തിരൂര്‍ സ്വദേശി വിപിന്‍ (23)ആണ് കൊല്ലപ്പെട്ടത്.

ഇന്നു രാവിലെ ഏഴരയോടെ തിരൂര്‍ പുളിഞ്ചോട്ടില്‍ വച്ചാണ് വിപിനെ റോഡരികില്‍ വെട്ടേറ്റ നിലയില്‍ കാണപ്പെട്ടത്.

തുടര്‍ന്ന് നാട്ടുകാര്‍ ചേര്‍ന്ന് ആശുപത്രിയില്‍ എത്തിച്ചെങ്കില്‍ മരണം സംഭവിച്ചിരുന്നു. ആലത്തിയൂര്‍ കുട്ടിച്ചാത്തന്‍പടി സ്വദേശിയാണ് മരിച്ച വിപിന്‍.

മൃതദേഹം തിരൂര്‍ ജില്ലാ ആശുപത്രിയില്‍ സൂക്ഷിച്ചിരിക്കുകയാണ്. പോസ്റ്റ്‌മോര്‍ട്ടത്തിനായി കോഴിക്കോട് മെഡിക്കല്‍ കോളജ് ആശുപത്രിയിലേക്ക് കൊണ്ടുപോകും.

കൊലപാതകത്തെ തുടര്‍ന്ന് തിരൂര്‍ റവന്യൂ താലൂക്കില്‍ രണ്ട് മണി മുതല്‍ എട്ടു മണിവരെ ഹര്‍ത്താലിന് ആഹ്വാനം ചെയ്തിട്ടുണ്ട്.