തിരുവനന്തപുരം: ബാലാവകാശ കമ്മിഷനിലെ നിയമനവുമായി ബന്ധപ്പെട്ട് ലോകായുക്ത പ്രാഥമിക അന്വേഷണം നടത്താന്‍ തീരുമാനിച്ച സാഹചര്യത്തില്‍ ആരോഗ്യമന്ത്രി രാജിവയ്ക്കണമെന്ന് കെ.പി.സി.സി പ്രസിഡന്റ് എം.എം ഹസന്‍.
കേരള ചരിത്രത്തില്‍ ആദ്യമായാണ് ഹൈക്കോടതിയും ലോകായുക്തയും ഒരു മന്ത്രിക്കെതിരേ അഴിമതിക്കുറ്റം ചാര്‍ത്തുന്നത്. പ്രഥമദൃഷ്ട്യാ അധികാര ദുര്‍വിനിയോഗവും സ്വജനപക്ഷപാതവും ബോധ്യപ്പെട്ടതിനാലാണ് ലോകായുക്ത മന്ത്രിക്കെതിരേ പ്രാഥമിക അന്വേഷണം നടത്താന്‍ തീരുമാനിച്ചത്. മുഖ്യമന്ത്രി രാജിവയ്ക്കാന്‍ ആവശ്യപ്പെടാതിരിക്കുന്നത് അഴിമതി നടത്തിയ മന്ത്രിയെ സംരക്ഷിക്കുന്നതിന് തുല്യമാണെന്നും അദ്ദേഹം പറഞ്ഞു.