കാസര്‍കോട്: ബൈക്കില്‍ ബസ്സിടിച്ച് വിദ്യാര്‍ഥികള്‍ മരിച്ചു. ബൈക്കില്‍ സഞ്ചരിക്കുകയായിരുന്ന സാബിര്‍ സാഞ്ചോടി (22 ), ഇര്‍ഷാദ് കര്‍ണൂര്‍ (22) എന്നിവരാണ് അപകടത്തില്‍ മരിച്ചത്. ഇതിലൊരാള്‍ സംഭവ സ്ഥലത്തും മറ്റൊരാള്‍ ആശുപത്രിയില്‍ വച്ചുമാണ് മരിച്ചത്. ഇന്ന് വൈകുന്നേരമാണ് അപകടമുണ്ടായത്.

ആദൂര്‍ ഗ്വാളിമുഖത്തെ ഖലീല്‍ സ്വലാഹ് സ്‌കൂള്‍ ബസാണ് ബന്തടുക്ക ഏണിയാടിയിലേക്കു പോവുകയായിരുന്ന വിദ്യാര്‍ഥികള്‍ സഞ്ചരിച്ച ബൈക്കില്‍ ഇടിച്ചത്. അപകടം നടന്ന ഉടന്‍ തന്നെ പ്രദേശവാസികള്‍ രക്ഷാ പ്രവര്‍ത്തനത്തിന് ഇറങ്ങിയെങ്കിലും ബൈക്കില്‍ സഞ്ചരിച്ചിരുന്നവരില്‍ ഒരാള്‍ അപ്പോഴേക്കും മരിച്ചിരുന്നു. മറ്റൊരാളെ കാസര്‍ക്കോട് ചെങ്കളയിലെ ആശുപത്രിയില്‍ എത്തിച്ചെങ്കിലും അപ്പോഴേക്കും ഈ വിദ്യാര്‍ഥിയും മരിച്ചു.