തിരൂര്‍: ഫൈസല്‍ വധക്കേസിലെ രണ്ടാംപ്രതി ബിബിന്റെ വധവുമായി ബന്ധപ്പെട്ട് അറുപതോളം പേരെ ചോദ്യംചെയ്തു. എന്നാല്‍, പൊലിസിനു കാര്യമായ തുമ്പുണ്ടാക്കാനായില്ല. കൊലപാതകം നടന്ന് മൂന്നുദിവസം പിന്നിട്ടിട്ടും കേസില്‍ നിര്‍ണായക തെളിവുകള്‍ ലഭിക്കാത്തത് പൊലിസിനെ കുഴക്കുകയാണ്. ജില്ലാ പൊലിസ് മേധാവി ദേബേഷ്‌കുമാര്‍ ബെഹ്‌റ മേല്‍നോട്ടം വഹിക്കുന്ന അന്വേഷണത്തിന് പെരിന്തല്‍മണ്ണ ഡിവൈ.എസ്.പി കെ.പി മോഹനചന്ദ്രന്റെ നേതൃത്വത്തിലുള്ള ക്രൈം സ്‌ക്വാഡാണ് നേതൃത്വം നല്‍കുന്നത്.