ഹരിപ്പാട്: വ്യാപാര സ്ഥാപനങ്ങളില്‍ സപ്ലെ ഓഫിസറുടെ നേതൃത്തത്തില്‍ പരിശോധന നടത്തി. വിലവിവരപ്പട്ടിക പ്രദര്‍ശിപ്പിക്കാതിരിക്കുക, ലൈസന്‍സ് എടുക്കാതെ കച്ചവടം നടത്തുക, ത്രാസുകള്‍ പതിക്കാതെ ഉപയോഗിക്കുക, പായ്ക്കറ്റ് ഉത്പന്നങ്ങളില്‍ നിര്‍മ്മാണ തീയതി വില്‍പന വില നിര്‍മ്മാതാവിന്റെ പൂര്‍ണ്ണമായ മേല്‍വിലാസം പതിക്കാതിരിക്കുക തൂക്കം വ്യക്തമായി രേഖപ്പെടുത്താതിരിക്കുക, ഉത്പന്നത്തിന്റെ പേര് രേഖപ്പെടുത്താതിരിക്കുകയും ചെയ്ത ഹരിപ്പാട്, ഡാണാപ്പടി, വഴിയമ്പലം പ്രദേശങ്ങളിലെ പചരക്ക്, ഹോട്ടല്‍, കോഴിക്കട, മീന്‍ വ്യാപാര സ്ഥാപനങ്ങള്‍ എന്നിവിടങ്ങളിലാണ് കാര്‍ത്തികപ്പള്ളി താലൂക്ക് സപ്ലെ ഓഫിസര്‍ എ.നിസാറിന്റെ നേതൃത്തത്തില്‍ നടത്തിയ പരിശോധനയില്‍ വ്യാപാരികളില്‍ നിന്ന് ഇരുപത്തി അയ്യായിരം രുപ പിഴ ഈടാക്കി.
ഓണം, ബക്രീദ് പ്രമാണിച്ച് ഗുണഭോക്താക്കള്‍ വഞ്ചിതരാകാതിരിക്കാന്‍ ശ്രദ്ധിക്കണമെന്നും ബില്ല് ചോദിച്ച് വാങ്ങണമെന്നും സപ്ലെ ഓഫിസര്‍ അറിയിച്ചു.
സെപ്യൂട്ടി തഹസീല്‍ദാര്‍ ദിലീപ് കുമാര്‍, ലീഗല്‍ മെട്രോളജി ഇന്‍സ്‌പെക്ടര്‍ ബിനു ബാല, റേഷനിംഗ് ഇന്‍സ്‌പെകര്‍മാരായ എസ്.സുധീര്‍ ബാബു, സുലൈമാന്‍, റിയാസ് ലീഗല്‍ മെട്രോളജി ഇന്‍സ്‌പെക്ടിംഗ് അസിസ്റ്റന്‍സ് ജയകുമാര്‍ എന്നിവരും പരിശോധനയില്‍ പങ്കെടുത്തു.