പള്ളിപ്പുറം : സുന്നിമഹല്ല് ഫെഡറേഷന്‍ പരുതൂര്‍ പഞ്ചായത്ത് കമ്മിറ്റിയുടെ ആഭിമുഖ്യത്തില്‍ മദ്‌റസാ ഭാരവാഹീ സംഗമം നടത്തി. പള്ളിപ്പുറം റെയ്ഞ്ച് ജംഇയ്യത്തുല്‍ മുഅല്ലിമീന്‍ ജനറല്‍ സെക്രട്ടറി എം.എം ബശീര്‍ മാസ്റ്റര്‍ ഉദ്ഘാടനം ചെയ്തു. സുന്നിമഹല്ല് ഫെഡറേഷന്‍ പഞ്ചായത്ത് പ്രസിഡന്റ് പി.മുഹമ്മദ് കുട്ടി മുസ്‌ലിയാര്‍ അധ്യക്ഷനായി. മുനീര്‍ഹുദവി ഫറോക്ക് ക്ലാസ്സെടുത്തു. ടി.കെ മുഹമ്മദ്കുട്ടി ഫൈസി കരുവാന്‍പടി, കുഞ്ഞിപ്പുമുസ്‌ലിയാര്‍ വി.പി കുഞ്ഞിപ്പു, ടി.പി ബശീര്‍ ഫൈസി, ഇ.പി സൈദലവി, അബ്ദുറശീദ് ഫൈസി, അബ്ദുറഹീം വാഫി, മുഹയ്ദ്ദീന്‍ ബാഖവി, പി.ടി ആലിക്കുട്ടി ഹാജി, മുസ്തഫ അന്‍വരി, എം.പി ഹസന്‍, അബുഹാജി, ടി.പി ലത്തീഫ്, ടി.കെ അബ്ദുറഹിമാന്‍ പ്രസംഗിച്ചു. സി.പി മുഹമ്മദ്കുട്ടി മുസ്‌ലിയാര്‍ പ്രാര്‍ത്ഥനക്ക് നേതൃത്വം നല്‍കി. വി.പി ബാവ കൊടുമുണ്ട സ്വാഗതവും സി.പി.എം അലി നന്ദിയും പറഞ്ഞു. സംഗമത്തില്‍ മഹല്ല് തലങ്ങളില്‍ നടപ്പാക്കേണ്ട കര്‍മ്മ പദ്ധതികള്‍ക്ക് രൂപം നല്‍കി.