ചട്ടഞ്ചാല്‍: മലബാര്‍ ഇസ്‌ലാമിക് കോംപ്ലക്‌സ് ദാറുല്‍ ഇര്‍ശാദ് അക്കാദമി സമന്വയ വിദ്യാഭ്യാസ സ്ഥാപനം ഭാവിയുടെ വാഗ്ദാനമാണെന്നും അതിനെ നിലനിര്‍ത്തേണ്ടതു സമൂഹത്തിന്റെ ആവശ്യകതയും ഉത്തരവാദിത്തവുമാണെന്നും ദാറുല്‍ ഹുദാ ഇസ്‌ലാമിക് യൂനിവേഴ്‌സിറ്റി വൈസ് ചാന്‍സ്‌ലര്‍ ഡോ.ബഹാഉദ്ദീന്‍ മുഹമ്മദ് നദ്‌വി. ദാറുല്‍ ഇര്‍ശാദ് സ്റ്റുഡന്റ്‌സ് അസോസിയേഷന്‍ 'ദിശ'യുടെ 2016-17 വര്‍ഷത്തെ പ്രവര്‍ത്തനോദ്ഘാടനം നിര്‍വഹിക്കുകയായിരുന്നു അദ്ദേഹം.
'ദിശ' യൂനിയന്‍ ഉദ്ഘാടനത്തിന്റെ ഭാഗമായി സംഘടിപ്പിക്കപ്പെട്ട നസ്വീഹത്ത് ക്ലാസില്‍ അദ്ദേഹം വിദ്യാര്‍ഥികളുമായി സംവദിച്ചു.
സെക്കന്‍ഡറി അവസാന വര്‍ഷ വിദ്യാര്‍ഥികള്‍ തയാറാക്കിയ കൈയെഴുത്തു മാഗസിന്‍ ബഹാഉദ്ദീന്‍ നദ്‌വി പ്രകാശനം ചെയ്തു. മലബാര്‍ ഇസ്‌ലാമിക് കോംപ്ലക്‌സ് ജനറല്‍ സെക്രട്ടറി യു.എം അബ്ദുറഹ്മാന്‍ മൗലവി അധ്യക്ഷനായി.
അനുമോദന ചടങ്ങില്‍ ദാറുല്‍ ഹുദാ ഇസ്‌ലാമിക് യൂനിവേഴ്‌സിറ്റി പൊതുപരീക്ഷയില്‍ റാങ്ക് ജേതാക്കളായ സയ്യിദ് ജലാലുദ്ദീന്‍, സൈനുല്‍ ആബിദ് ആമത്തല, അബൂബക്കര്‍ പരയങ്ങാനം എന്നിവരെ ആദരിച്ചു. ലൈബ്രറി ഫണ്ട് ഉദ്ഘാടനം ടി.ഡി അഹ്മദ് ഹാജിയും യൂനിയന്‍ പ്രവര്‍ത്തന ഫണ്ട് ഉദ്ഘാടനം കാപ്പില്‍ കെ.ബി.എം ശരീഫും നിര്‍വ്വഹിച്ചു.  
ഇബ്രാഹിം കുട്ടി ദാരിമി, ഡോ.സലീം നദ്‌വി, കെ.കെ അബ്ദുല്ല ഹാജി ഖത്തര്‍, പള്ളങ്കോട് അബ്ദുല്‍ ഖാദര്‍ മദനി, അബ്ദുല്‍ ഖാദര്‍ നദ്‌വി മാണിമൂല, ടി.ഡി അബ്ദുറഹ്മാന്‍ ഹാജി, ജലീല്‍ കടവത്ത്, നെക്കര അബൂബക്കര്‍ ഹാജി,ബേര്‍ക്ക അബ്ദുല്ലക്കുഞ്ഞി ഹാജി, ഹുസൈന്‍ തങ്ങള്‍ മാസ്തിക്കുണ്ട്, അഡ്വക്കറ്റ് ഹനീഫ് ഹുദവി ദേലമ്പാടി എന്നിവര്‍ സംബന്ധിച്ചു.