വെങ്കിടങ്ങ്: പാടൂര്‍ റെയ്ഞ്ചില്‍ സുപ്രഭാതം ക്യാംപയിനിന് തുടക്കമായി. തൊയക്കാവ് അല്‍മദ്‌റസത്തുല്‍ ബദരിയ്യയില്‍ ചേര്‍ന്ന കണ്‍വന്‍ഷന്‍ ജംഇയ്യത്തുല്‍ മുഅല്ലിമീന്‍ തൃശൂര്‍ ജില്ലാ പ്രസിഡന്റ് പി.ടി കുഞ്ഞുമുഹമ്മദ് മുസ്‌ലിയാര്‍ ഉദ്ഘാടനം ചെയ്തു.
ചടങ്ങില്‍ മുഫത്തിശ് കോട്ടുമല മുഹമ്മദ് ഫൈസി അധ്യക്ഷനായി. പ്രമുഖ പ്രവാസി വ്യവസായി അബ്ദുല്‍റസാഖ് ഹാജി ആദ്യ വാര്‍ഷിക വരിക്കാരനായി. അബ്ദുള്ള അഷറഫി, മൊയ്തീന്‍ മുസ്‌ലിയാര്‍, ഉമര്‍ ചക്കനാത്ത്, ഷെരീഫ് ചിറയ്ക്കല്‍, ബശീര്‍ഫൈസി, അഷറഫ് മുസ്‌ലിയാര്‍ എന്നിവര്‍ സംസാരിച്ചു.