അങ്ങാടിപ്പുറം: അങ്ങാടിപ്പുറം മേല്‍പാലത്തിലും സാമൂഹ്യലിരുദ്ധര്‍ കോഴിമാലിന്യം തള്ളി. വെള്ളിയാഴ്ച പുലര്‍ച്ചെയോടെയാണ് നഗരത്തെ ദുര്‍ഗന്ധത്തിലാക്കി ദേശീയപാതയിലെ അങ്ങാടിപ്പുറം മുതല്‍ താഴേക്കോടുവരെ എട്ടിടങ്ങളില്‍ ചാക്കില്‍ നിറച്ച കോഴി മാലിന്യം റോഡില്‍ ഉപേക്ഷിച്ച നിലയില്‍ കാണപ്പെട്ടത്. മറ്റിടങ്ങളിലെല്ലാം മാലിന്യങ്ങള്‍ അധികൃതര്‍ നീക്കം ചെയ്തിരുന്നുവെങ്കിലും മേല്‍പാലത്തിലെ മാലിന്യച്ചാക്കുകള്‍ നീക്കിയിരുന്നില്ല.
ഇതേ തുടര്‍ന്നു ശനിയാഴ്ച വൈകിട്ട് മേല്‍പാലത്തിലൂടെ പോകുകയായിരുന്ന ബൈക്ക് യാത്രികനാണ് അസഹ്യമായ ദുര്‍ഗന്ധം കാരണം റോഡിലേക്കു തലചുറ്റി വീണത്. ഇയാള്‍ ബൈക്കിന്റെ പിറകിലായിരുന്നു ഇരുന്നത്. സംഭവത്തെ തുടര്‍ന്ന് ഏറെനേരം ഗതാഗതം സ്തംഭിക്കുകയും ചെയ്തു.