ബംഗളൂരു: ബി.ജെ.പി കര്‍ണാടകയില്‍ പ്രഖ്യാപിച്ച 'ചലോ ബംഗളൂരു' ബൈക് റാലിക്ക് നിരോധനാജ്ഞ. ബംഗളൂരു സിറ്റി പൊലിസ് കമ്മീഷണറാണ് നിരോധനാജ്ഞ പ്രഖ്യാപിച്ചത്. റാലിക്കെത്തിയ വാഹനങ്ങള്‍ പൊലിസ് കസ്റ്റഡിയില്‍ എടുത്തു. എന്നാല്‍, റാലിയുമായി മുന്നോട്ടുപോകുമെന്ന് ബി.ജെ.പി വ്യക്തമാക്കി.

റാലിക്ക് പൊലിസ് നേരത്തെ അനുമതി നിഷേധിച്ചിരുന്നു. അനുമതി നിഷേധിച്ചിട്ടും റാലി നടത്തിയ നിരവധി ബി.ജെ.പി പ്രവര്‍ത്തകരെ പൊലിസ് കസ്റ്റഡിയിലെടുത്തിട്ടുണ്ട്. കര്‍ണാടകയില്‍ ബി.ജെ.പി ആര്‍.എസ്.എസ് പ്രവര്‍ത്തകര്‍ക്കെതിരേയുള്ള അതിക്രമങ്ങളില്‍ പ്രതിഷേധിച്ചാണ് ബി.ജെ.പി റാലി സംഘടിപ്പിച്ചത്.

റാലി നടത്തുന്നതില്‍ എതിര്‍പ്പില്ല. എന്നാല്‍, ബൈക്കുകള്‍ ഉപയോഗിച്ച് ഗതാഗതം തടയുന്നത് അംഗീകരിക്കാനാവില്ല. അവര്‍ക്ക് കാല്‍നടയായി റാലി നടത്താമെന്ന് കര്‍ണാടക മുഖ്യമന്ത്രി സിദ്ധരാമയ്യ പറഞ്ഞു.