തൃക്കരിപ്പൂര്‍: മെട്ടമ്മല്‍ ബ്രദേഴ്‌സ് മെട്ടമ്മല്‍ കവ്വായിക്കായലില്‍ സംഘടിപ്പിച്ച എ.പി.ജെ അബ്ദുല്‍ കലാം മെമ്മോറിയല്‍ സ്വര്‍ണക്കപ്പിന് വേണ്ടിയുള്ള മൂന്നാമത് മലബാര്‍ ജലോത്സവം സമാപിച്ചു.
വനിതകളുടെ 15 പേര്‍ തുഴയും വിഭാഗത്തില്‍ കാവുഞ്ചിറ കൃഷ്ണപിള്ള ജലരാജ പട്ടം നേടി. പാലിച്ചോന്‍ അച്ചാംതുരുത്തി, വയല്‍ക്കര മയിച്ച യഥാക്രമം രണ്ടും മൂന്നും സ്ഥാനം നേടി.
25 പേര്‍ തുഴയും പുരുഷ വിഭാഗം മത്സരത്തിന്റെ ഫലം പുറത്തുവിട്ടില്ല. ഒന്നാം സ്ഥാനത്തിന് രണ്ട് അവകാശികള്‍ എത്തിയതിനാല്‍ ഫലം പുറത്തുവിടുന്നത് മാറ്റിവയ്ക്കുകയായിരുന്നു.
പുരുഷ വിഭാഗത്തിലെ 15 പേര്‍ തുഴയും മത്സരത്തില്‍ ട്രാക്ക് മാറിയെന്നാരോപിച്ച് നടന്ന തര്‍ക്കവും കൈയാങ്കളിയും കാരണം മത്സരം റദ്ദുചെയ്തതായി സംഘാടകര്‍ അറിയിച്ചു.
ആരോഗ്യ സാമൂഹ്യ ക്ഷേമ വകുപ്പ് മന്ത്രി കെ.കെ െൈശലജ ജലോത്സവം ഉദ്ഘാടനം ചെയ്തു. എം രാജഗോപാലന്‍ എം.എല്‍.എ വിജയികള്‍ക്ക് സമ്മാനദാനം നടത്തി.