എടപ്പാള്‍:സമസ്ത കേരള മദ്‌റസ മാനേജ്‌മെന്റ്  അസോസിയേഷന്‍ മലപ്പുറം വെസ്റ്റ് ജില്ല നടപ്പാക്കുന്ന ദറാക്കില്‍ മദാരിസിന്റെ രണ്ട@ാം ഘട്ടമായി മദ്‌റസകളെ ഡിജിറ്റലൈസേഷന്‍ ചെയ്യാന്‍ പാണക്കാട് സയ്യിദ് ഹമീദലി ശിഹാബ് തങ്ങളുടെ അധ്യക്ഷതയില്‍ ചേര്‍ന്ന യോഗം അന്തിമ രൂപം നല്‍കി. 31ന് മുന്‍പ് റെയ്ഞ്ച് തല സാരഥി സംഗമവും സെപ്റ്റംബര്‍ 15ന് മുന്‍പ് മേഖലാ തല അഡ്മിനിസ്‌റ്റ്രേഷന്‍  ട്രെയ്‌നിങ്ങ് ക്യാംപും സെപ്റ്റംബര്‍ 30 ന് മുന്‍പ് മുഅല്ലിം ശാക്തീകരണ ക്യാംപും സംഘടിപ്പിക്കാന്‍ തീരുമാനിച്ചു.
യോഗത്തില്‍ കെ.കെ.എസ് തങ്ങള്‍ വെട്ടിച്ചിറ, കെ.കെ.എസ് ബാപ്പുട്ടി തങ്ങള്‍ ഒതുക്കുങ്ങല്‍, ബാപ്പുട്ടി തങ്ങള്‍ വെരമ്പനാല, കെ.എം കുട്ടി എടക്കുളം, എ.കെ.കെ മരക്കാര്‍ പൊന്നാനി, എം.എ ഖാദര്‍, ശാഫി മാസ്റ്റര്‍ ആലത്തിയൂര്‍, സലാം മൗലവി തിരൂര്‍, ജാഫര്‍ താനൂര്‍, പഞ്ചിളി മൊയ്തീന്‍, ഒ.സി ഹനീഫ, പി.വി മുഹമ്മദ് മൗലവി, കുഞ്ഞിപോക്കര്‍ സംസാരിച്ചു.