പടിഞ്ഞാറങ്ങാടി: കുമരനെല്ലൂര്‍ ടൗണ്‍ ഇരുട്ടിലുമായി. കുറച്ചു ദിവസമായി ടൗണിന്റെ മവേലി സ്റ്റോറിന്റെ അടുത്തായി നാല് ഭാഗത്തേക്കും പ്രകാശിക്കുന്ന പുതിയ ലൈറ്റാണ് അണഞ്ഞു കിടക്കുന്നത്.
കഴിഞ്ഞ ദിവസങ്ങളില്‍ ഉണ്ടായ മഴ മൂലം ഇത്തവണത്തെ വിപണിയില്‍ ഉണ്ടായ മാന്ദ്യത്തില്‍ നിന്ന് ഉണരുമ്പോഴാണ് ടൗണ്‍ ഇരുട്ടിലായത്.
ബന്ധപ്പെട്ട അധികൃതര്‍ അറിഞ്ഞിട്ടും അറിയാത്ത ഭാവം നടിക്കുന്നത് നാട്ടുകാര്‍ക്കിടയില്‍ പ്രതിഷേധത്തിനിടയായി.
ഇപ്പോള്‍ കടകളുടെ പ്രകാശത്തിലാണ് നഗരത്തെ കാണുന്നത്. രാത്രി 12 മണിക്ക് ശേഷം ടൗണ്‍ ഇരുട്ടു കൊണ്ട് നിറയും.
കപ്പൂര്‍ പഞ്ചായത്തിന്റെ ആസ്ഥാനമായ കുമരനല്ലൂര്‍ ടൗണിനെ ഇരുട്ടിലേക്ക് തള്ളിവിടുന്ന സാഹചര്യം ഒരുക്കിയ നടപടിയെ വിവിധ വ്യാപാരി സംഘടനകള്‍ ശക്തമായ പ്രതിഷേധം രേഖപ്പെടുത്തി.