പാലക്കാട്: എസ്.എന്‍.ഡി.പി യോഗം പാലക്കാട് യൂണിയന്‍ 163മത് ശ്രീനാരായണഗുരു ജയന്തി ആഘോഷം മുനിസിപ്പല്‍ ടൗണ്‍ ഹാളില്‍ നടന്നു. പൊതുസമ്മേളനം ക്രൈം ബ്രാഞ്ച് എസ്.പി കെ. വിജയന്‍ ഐ.പി.എസ് ഉദ്ഘാടനം ചെയ്തു. ഏതു മേഖല വീക്ഷിച്ചാലും അതില്‍ പാണ്ഡിത്യം തെളിയിച്ച വ്യക്തിയാണ് ഗുരുവെന്ന് അദ്ദേഹം പറഞ്ഞു. ഗുരുവിനെ അറിയണമെങ്കില്‍ അദ്ദേഹത്തിന്റെ കൃതൃകള്‍ പഠിക്കണമെന്ന് അനുഗ്രഹ പ്രഭാഷണത്തില്‍ സ്വാമി ചിദാനന്ദപുരി പറഞ്ഞു. ആര്‍. ഭാസ്‌കരന്‍ അധ്യക്ഷനായി.
കെ.ആര്‍. ഗോപിനാഥ്, അഡ്വ. കെ. രഘു, ടി. സ്വാമിനാഥന്‍, ബി. വിശ്വനാഥന്‍, പത്മാവതി പ്രഭാകരന്‍, നിവിന്‍ ശിവദാസ്, യു. പ്രഭാകരന്‍ സംസാരിച്ചു. ജില്ലാ പൊലിസ് സര്‍ജന്‍ ഡോ. പി.ബി. ഗുജറാളിനെ അനുമോദിച്ചു. വിദ്യാഭ്യാസ അവാര്‍ഡ് വിതരണവും ഘോഷയാത്രയും നടന്നു.
മണ്ണാര്‍ക്കാട്: എസ്.എന്‍.ഡി.പി യോഗം മണ്ണാര്‍ക്കാട് യൂനിയന്റെ കീഴിലുള്ള അമ്പതോളം ശാഖകളില്‍ ശ്രീനാരായണ ഗുരുജയന്തി ആഘോഷിച്ചു. യൂണിയന്‍ ഓഫിസില്‍ എന്‍.ആര്‍. സുരേഷ് പതാക ഉയര്‍ത്തി. കെ.വി. പ്രസന്നന്‍, ജി. അനു, എം. രാമകൃഷ്ണന്‍, പി. ചന്ദ്രന്‍, കെ.ആര്‍. പ്രകാശന്‍, വി. നാരായണന്‍, പി. രാധാകൃഷ്ണന്‍, രാധ, ബിന്ദു, രാജ പ്രകാശ് പങ്കെടുത്തു.
മണ്ണാര്‍ക്കാട് ടൗണ്‍ ശാഖയില്‍ ഡോ. ആര്‍.കെ. ജയപ്രകാശ് പതാക ഉയര്‍ത്തി. ഗുരുപൂജ, പൊതുസമ്മേളനം എന്നിവ നടന്നു. എന്‍.ആര്‍. സുരേഷ് ഉദ്ഘാടനം ചെയ്തു. പി.ഡി. തങ്കച്ചന്‍, വി.ഡി. പ്രേംകുമാര്‍, കെ.ആര്‍. പ്രകാശന്‍, പി.കെ. ബാബു, വി. നാരായണന്‍ നേതൃത്വം നല്‍കി. തെങ്കര ശാഖയില്‍ വി.ഡി. വേണുഗോപാലന്‍ പതാക ഉയര്‍ത്തി. എന്‍.ആര്‍. സുരേഷ് ഉദ്ഘാടനം ചെയ്തു. വി. നാരായണന്‍, ബൈജു രാജേന്ദ്രന്‍, ശിവശങ്കരന്‍, ജലജ സംസാരിച്ചു.
പാലക്കാട്: വെണ്ണക്കര എസ്.എന്‍.ഡി.പി ശാഖായോഗം ശ്രീനാരായണ ഗുരുജയന്തി ആഘോഷിച്ചു. ഫാ. ജോസഫ് ചിറ്റിലപ്പിള്ളി മുഖ്യപ്രഭാഷണം നടത്തി. എം. ഹരിദാസ് അധ്യക്ഷനായി. എം. ചന്ദ്രന്‍, ശശികുമാര്‍, കെ. സ്വാമിനാഥന്‍, സുഭീഷ്, കെ. ദേവന്‍, എം. സുന്ദരന്‍, എം. വിജയന്‍, കെ.സി. സഹദേവന്‍, കെ. മണി സംസാരിച്ചു.
ശ്രീനാരായണ ധര്‍മ പരിപാലനയോഗം പാലക്കാട് യൂനിയന്‍ കഞ്ചിക്കോട് എസ്.എന്‍.ഡി.പി ശാഖ ശ്രീനാരായണഗുരു ജയന്തി ആഘോഷം കഞ്ചിക്കോട് ഗുരുമന്ദിരത്തില്‍ നടന്നു. കെ.ആര്‍. ഗോപിനാഥ് ഉദ്ഘാടനം ചെയ്തു. എ. ചന്ദ്രന്‍ അധ്യക്ഷനായി. കെ. സുബ്രഹ്മണ്യന്‍ സ്വാഗതം പറഞ്ഞു. യു. പ്രഭാകരന്‍ മുഖ്യപ്രഭാഷണം നടത്തി. സി. പത്മാവതി വിദ്യാഭ്യാസ അവാര്‍ഡ് വിതരണം ചെയ്തു. ജി. രവീന്ദ്രന്‍, എ.ആര്‍. സുജ, ജി. പ്രത്യുഷ് കുമാര്‍, ജി. ജയപ്രകാശ്, കെ. ചന്ദ്രന്‍, ആര്‍. പൊന്നപ്പന്‍ ചെട്ടിയാര്‍, ദണ്ഡപാണി, എം. കൃഷ്ണന്‍, ശശിധരന്‍ നായര്‍ സംസാരിച്ചു. കൊയ്യാമരക്കാട് നിന്ന് കഞ്ചിക്കോട് ഗവണ്‍മെന്റ് ഡിസ്‌പെന്‍സറി വരെ വാദ്യാഘോഷങ്ങളോടുകൂടി ഘോഷയാത്രയും നടന്നു.
പാലക്കാട്: എസ്.എന്‍.ഡി.പി യോഗം പാലക്കാട് വെസ്റ്റ് യൂനിയന്റെ നേതൃത്വത്തില്‍ ശ്രീനാരായണ ഗുരുജന്തി ആഘോഷിച്ചു. എടത്തറ ഗുരുദേവ നഗര്‍ മഹിമ ഓഡിറ്റോറിയത്തില്‍ നടന്ന പരിപാടി ഡോ. ശ്രീനാഥ് കാരയാട്ട് ഉദ്ഘാടം ചെയ്തു. എടത്തറ രാമകൃഷ്ണന്‍ അധ്യക്ഷനായി.
പി. ദിവാകരന്‍, ടി.സി. സുരേഷ് ബാബു, സുമേഷ് ചാത്തംകുളം, സുരേഷ് കളത്തില്‍, സുമംഗല ഷണ്‍മുഖന്‍, സുശീല ഉണ്ണികൃഷ്ണന്‍, ഷിജി സുനില്‍, ആര്‍. ഉണ്ണികൃഷ്ണന്‍, പി.ആര്‍. ഉണ്ണികൃഷ്ണന്‍, പി. വിനൂപ്, എസ്. സുജീഷ്, ടി.യു. ഷാജു, കെ. ഷൈജുമോന്‍, വര്‍ഷ വേണുഗോപാല്‍, സോന രവീന്ദ്രന്‍ സംസാരിച്ചു. എസ്.എസ്.എല്‍.സി, പ്ലസ് ടു പരീക്ഷകളില്‍ ഉന്നത വിജയം നേടി യോഗം അംഗങ്ങളുടെ മക്കള്‍ക്ക് പുരസ്‌കാരം നല്‍കി. എം.ജി. യൂനിവേഴ്‌സിറ്റിയില്‍ നിന്ന് ഫിലോസഫിയില്‍ ഡോക്ടറേറ്റ് നേടിയ കെ.കെ. ജിഷയെ അനുമോദിച്ചു. പറളി ചെക്ക് പോസ്റ്റില്‍ നിന്ന് ഘോഷ യാത്രയും നടന്നു.