കൊപ്പം: ഇരുചക്ര യാത്രക്കാരനെ ഇടിച്ചുതെറിപ്പിച്ച് നിര്‍ത്താതെ പോയ മിനിലോറി നാട്ടുകാര്‍ പിന്തുടര്‍ന്ന് പിടികൂടി. ഇന്നലെ രാവിലെ കൈപ്പുറം സെന്ററിലാണ് ബൈക്ക് യാത്രികനായ കൈപ്പുറം തൃപ്പങ്ങാവില്‍ മുഹമ്മദ് കുട്ടി എന്ന ബാവ(57)യെ അമിതവേഗത്തില്‍വന്ന മിനിലോറിയിടിച്ച് തെറിപ്പിച്ചത്. ലോറി നിര്‍ത്താതെ പോവുന്നത് കണ്ട നാട്ടുകാര്‍ പിന്തുടര്‍ന്ന് അഞ്ച് കിലോമീറ്റര്‍ അകലെ വലിയകുന്ന് വച്ച് ലോറി തടഞ്ഞിട്ടു. വളാഞ്ചേരി പൊലിസെത്തി ഡ്രൈവറെ കസ്റ്റഡിയിലെടുത്തു.
പരുക്കേറ്റ മുഹമ്മദ്കുട്ടിയെ പെരിന്തല്‍മണ്ണയിലെ സ്വകാര്യ ആശുപത്രിയില്‍ പ്രവേശിപ്പിച്ചു. ലോഡുമായി പോകുന്ന ലോറികള്‍ അഅമിതവേഗത്തില്‍ ഇതുവഴി കടന്നുപോകുന്നത് പതിവാണെന്ന് നാട്ടുകാര്‍ പറയുന്നു. അപകടം സൃഷ്ടിക്കുന്ന ഈ വേഗത രാവിലെ മദ്‌റസയിലേക്ക് പോകുന്ന വിദ്യാര്‍ഥികളും അതിരാവിലെയുള്ള നടത്തക്കാരുമുള്‍പ്പെടെ യാത്രക്കാര്‍ക്ക് ഭീഷണിയാണ്. അപകടം സൃഷ്ടിച്ച വാഹനം അമിതവേഗതയിലാണ് പതിവായി ഇതുവഴി പോകുന്നതെന്നും നാട്ടുകാര്‍ പരാതിപറയുന്നു.