കടമേരി: യുദ്ധവെറിക്കെതിരേ കാന്‍വാസില്‍ വര്‍ണച്ചിത്രങ്ങള്‍ വരച്ചു വിദ്യാര്‍ഥികള്‍ പ്രതിഷേധിച്ചു.
നാഗസാക്കി ദിനത്തോടനുബന്ധിച്ച് കടമേരി മാപ്പിള യു.പി സ്‌കൂള്‍ സാമൂഹ്യശാസ്ത്ര ക്ലബിന്റെ ആഭിമുഖ്യത്തിലാണ് 20 മീറ്റര്‍ നീളത്തില്‍ ചിത്രകാരന്മാര്‍ അണിനിരന്നു യുദ്ധവിരുദ്ധ ചിത്രങ്ങള്‍ വരച്ചത്.
ചിത്രകാരനും എഴുത്തുകാരനുമായ ശ്രീനി പാലേരി ഉദ്ഘാടനം ചെയ്തു. ഹെഡ്മാസ്റ്റര്‍ എന്‍.പി ഇബ്രാഹിം അധ്യക്ഷനായി. പി.ടി.എ പ്രസിഡന്റ് ഇ.പി മൊയ്തു, കാട്ടില്‍ മൊയ്തു മാസ്റ്റര്‍, പി. പ്രേംദാസ്, എ.കെ സുബൈര്‍, പി.പി മൊയ്തു, ടി.കെ നസീര്‍, കെ. രതീഷ്, ടി.കെ ഹാരിസ് സംബന്ധിച്ചു.