കൂത്താട്ടുകുളം : കൂത്താട്ടുകുളം നഗരസഭയുടെ ആഭിമുഖ്യത്തില്‍ നടന്നുവരുന്ന ഓണോത്സവ് 2017 ഇന്ന് സമാപിക്കും. ഉച്ചകഴിഞ്ഞ് 3 ന് നടക്കുന്ന സാംസ്‌കാരിക ഘോഷയാത്ര മുവാറ്റുപുഴ ഡി.വൈ.എസ്.പി കെ ബിജുമോന്‍ ഫ്‌ലാഗ് ഓഫ് ചെയ്യും. ടി.ബി ജംഗ്ഷനില്‍ നിന്നാരംഭിക്കുന്ന ഘോഷയാത്രയില്‍ നഗരസഭാ പരിധിയിലെ കുടുംബശ്രീ അംഗങ്ങള്‍, റസിഡന്റ് അസോസിയേഷനംഗങ്ങള്‍, താലപ്പൊലി, ചെണ്ടമേളം, ബാന്റ് സെറ്റ്, നാടന്‍ കലാരൂപങ്ങളായ പുലികളി, പ്രച്ചന്നവേഷം, അര്‍ജുനനൃത്തം, തെയ്യം, പൊയ്ക്കലാട്ടം, കരകയാട്ടം, ബൊമ്മ തുടങ്ങിയവ അണിനിരക്കും. ഘോഷയാത്ര ടൗണ്‍ ചുറ്റി സെന്റ ജോണ്‍സ് മൈതാനിയില്‍ സമാപിക്കും. വൈകിട്ട് 6ന് നഗരസഭ ചെയര്‍മാന്‍ ബിജു ജോണിന്റെ അധ്യക്ഷതയില്‍ ചേരുന്ന സാംസ്‌കാരിക സമ്മേളനം അനുപ് ജേക്കബ് എം എല്‍ എ ഉദ്ഘാടനം ചെയും. രാത്രി 7 ന് പാലാ സൂപ്പര്‍ ബീറ്റ്‌സിന്റെ ഗാനമേളയും നടക്കും.