കൊല്ലം: ശക്തികുളങ്ങര ചെപ്പള്ളിമുക്കില്‍ ബൈക്കില്‍ കെ.എസ്.ആര്‍.ടി.സി ഓര്‍ഡിനറി ബസിടിച്ച് യുവതി മരിച്ചു. ഭര്‍ത്താവിന് ഗുരുതര പരുക്കേറ്റു. ഞായറാഴ്ച രാത്രി എട്ടരയോടെ കാവനാട് ചെപ്പള്ളി മുക്കിലായിരുന്നു അപകടം.

ചവറ കരിത്തുറ സ്വദേശിനി സുനിതയാ(36)ണ് മരിച്ചത്. ഭര്‍ത്തവ് ജോസഫിനെ(44)ആശുപത്രിയില്‍ പ്രവേശിപ്പിച്ചു. കൊല്ലത്തു നിന്നും വരികയായിരുന്ന ദമ്പതികള്‍ സഞ്ചരിച്ച ബൈക്കില്‍ ബസ് തട്ടിയതിനെ തുടര്‍ന്ന്,സുനിത ബസിനടിയില്‍ അകപ്പെട്ടു. ശരീരത്തുകൂടി ബസ് കയറിയിറങ്ങിയാണ് സുനിത മരിച്ചത്. മൃതദേഹം ജില്ലാ ആശുപത്രി മോര്‍ച്ചറിയില്‍. പൊലിസ് കേസെടുത്തു.